ಕುಡಿಯುವ ನೀರಿಗಾಗಿ ರಾಜ್ಯ ಸರ್ಕಾರದ ಕ್ರಮಗಳು

Water-and-feed-supply-by-Govt
ರಾಜ್ಯದಲ್ಲಿ ನೀರಿಗಾಗಿ ಈಗಾಗಲೇ ಹಾಹಾಕಾರ ಉಂಟಾಗಿದೆ. ಕಳೆದ 6 ವರ್ಷಗಳಿಂದ ಬರ ಬೆಂಬಿಡದೆ ಕಾಡುತ್ತಿದೆ. ರಾಜ್ಯದ ಒಟ್ಟು 177 ತಾಲೂಕುಗಳ ಪೈಕಿ 160 ತಾಲೂಕುಗಳು ಬರಪೀಡಿತ ಎಂದು ಈಗಾಗಲೇ ಘೋಷಿಸಿದ್ದು, ಬರ ಪರಿಸ್ಥಿತಿಯನ್ನು ನಿರ್ವಹಿಸಲು ರಾಜ್ಯ ಸರ್ಕಾರ ಸಮರೋಪಾದಿಯಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಆದರೂ ಕೂಡ ನೀರಿನ ಮೂಲಗಳ ಕೊರತೆ ಹಾಗೂ ನದಿ ವಿವಾದಗಳಿಂದ ರಾಜ್ಯಕ್ಕಾದ ಅನ್ಯಾಯ ಈ ಹಂತದಲ್ಲಿ ಸರ್ಕಾರವನ್ನು ಬೆಂಬಿಡದೆ ಕಾಡುತ್ತಿದೆ. ಇದೇ ಸಂದರ್ಭವನ್ನು ವಿರೋಧ ಪಕ್ಷಗಳು ದುರುಪಯೋಗಪಡಿಸಿಕೊಳ್ಳುತ್ತಿರುವುದು ನಿಜಕ್ಕೂ ದುರಂತದ ಸಂಗತಿ. ಆಡಳಿತ ಪಕ್ಷದಂತೆ ವಿರೋಧ ಪಕ್ಷದವರು ಕೂಡ ರಾಜಕೀಯ ಹಿತಾಸಕ್ತಿ ಬದಿಗೊತ್ತಿ, ಸರ್ಕಾರದ ಜೊತೆ ಕೈಜೋಡಿಸಿ ಜನರ ನಂಬಿಕೆ ಉಳಿಸಿಕೊಳ್ಳಬೇಕಾದ ಅಗತ್ಯವಿದೆ. ರಾಜ್ಯದ ಕಷ್ಟದಲ್ಲಿ ಸರ್ಕಾರದ ಜೊತೆ ನೆರವಿಗೆ ಬರುವುದು ರಾಜ್ಯದ ಪ್ರತಿಯೊಬ್ಬ ನಾಗರಿಕನ ಕರ್ತವ್ಯ ಕೂಡ.
ಕುಡಿಯುವ ನೀರಿನ ಸಮಸ್ಯೆ ಪರಿಹರಿಸಲು ಸರ್ಕಾರ ಕೈಗೊಂಡಿರುವ ಕ್ರಮಗಳ ಬಗ್ಗೆ ಹಾಗೂ ವಾಸ್ತವ ಬರ ಪರಿಸ್ಥಿತಿಯ ಬಗ್ಗೆ ಸಣ್ಣ ಮಾಹಿತಿ ಇಲ್ಲಿದೆ
• ನೀರು ಪೂರೈಕೆ ಯೋಜನೆಗಾಗಿ ವಿನಿಯೋಗಿಸುತ್ತಿರುವ ಹಣ
• ಕಾರ್ಯನಿರ್ವಹಿಸುತ್ತಿರುವ ನೀರಿನ ಟ್ಯಾಂಕರ್‍ಗಳ ಸಂಖ್ಯೆ
• ಮಳೆ ಕೊರತೆಯ ಪ್ರಮಾಣ
• ಜಾನುವಾರುಗಳಿಗೆ ಮೇವು ಹಾಗೂ ನೀರಿನ ವ್ಯವಸ್ಥೆ

ನೀರಿನ ಪೂರೈಕೆಗಾಗಿ ಕೈಗೊಂಡ ಕ್ರಮಗಳು
ಸದ್ಯದ ಮಾಹಿತಿಯಂತೆ ರಾಜ್ಯದಲ್ಲಿ 4.22 ಲಕ್ಷ ಜನರು ಕುಡಿಯುವ ನೀರಿಗಾಗಿ ಟ್ಯಾಂಕರ್ ನೀರಿನ ಮೇಲೆ ಅವಲಂಬಿತರಾಗಿದ್ದಾರೆ. ರಾಜ್ಯದ 20 ಜಿಲ್ಲೆಗಳಲ್ಲಿನ 576 ಜನವಸತಿ ಪ್ರದೇಶಗಳಿಗೆ 1,047 ಟ್ಯಾಂಕರ್‍ಗಳಲ್ಲಿ ಕುಡಿಯುವ ನೀರು ಪೂರೈಸಲಾಗುತ್ತಿದೆ. ಈ ಪೈಕಿ ಹಾಸನದಲ್ಲಿ 140, ಮಂಡ್ಯ 90, ಚಿತ್ರದುರ್ಗ 67, ಕೋಲಾರ 45, ತುಮಕೂರು 37, ವಿಜಯಪುರ 26, ಚಿಕ್ಕಬಳ್ಳಾಪುರ 22, ಚಿಕ್ಕಮಗಳೂರು ಮತ್ತು ಮೈಸೂರು 22 ಮತ್ತು ಧಾರವಾಡದ 17 ಜನವಸತಿ ಪ್ರದೇಶಗಳಿಗೆ ಟ್ಯಾಂಕರ್‍ಗಳ ಮೂಲಕ ನೀರು ಪೂರೈಕೆಮಾಡಲಾಗುತ್ತಿದೆ.

ಯೋಜನೆಗೆ ಅಗತ್ಯವಿರುವ ಹಣದ ಪ್ರಮಾಣ
ಮುಂದಿನ ನಾಲ್ಕು ತಿಂಗಳ ಅವಧಿಯಲ್ಲಿ ಕುಡಿಯುವ ನೀರನ್ನು ಪೂರೈಸಲು ಹಾಗೂ ಚಾಲ್ತಿಯಲ್ಲಿರುವ ಕುಡಿಯುವ ನೀರಿನ ಯೋಜನೆಗಳನ್ನು ಪೂರ್ಣಗೊಳಿಸಲು ಒಟ್ಟು ರೂ. 2,164 ಕೋಟಿ ಅಗತ್ಯವಿದೆ. 160 ಬರಪೀಡಿತ ತಾಲೂಕುಗಳ ಗ್ರಾಮೀಣ ಪ್ರದೇಶಗಳಿಗೆ ಟ್ಯಾಂಕರ್ ಮೂಲಕ ನೀರು ಒದಗಿಸಲು ರೂ. 80.64 ಕೋಟಿ ಹಾಗೂ ನಗರ-ಪಟ್ಟಣ ಪ್ರದೇಶಗಳಿಗೆ ರೂ. 34.56 ಕೋಟಿ ಅವಶ್ಯಕತೆ ಇದೆ.
ನೀರಿನ ಪೂರೈಕೆ ಯೋಜನೆಯನ್ನು ಪೂರ್ಣಗೊಳಿಸಿ ಗ್ರಾಮೀಣ ಭಾಗದ ನೀರಿನ ಸಮಸ್ಯೆಯನ್ನು ಬಗೆಹರಿಸಲು ರೂ. 1772.25 ಕೋಟಿ ಅಗತ್ಯವಿದೆ ಹಾಗೂ ನಗರ ಪ್ರದೇಶಕ್ಕೆ ರೂ. 276.75 ಕೋಟಿ ಅಗತ್ಯವಿದೆ. ಈ ಹಣಕ್ಕಾಗಿ ಈಗಾಗಲೇ ಕೇಂದ್ರಕ್ಕೆ ಪ್ರಸ್ತಾವನೆಯನ್ನು ಕೂಡ ಸಲ್ಲಿಸಲಾಗಿದ್ದು, ಕೇಂದ್ರದಿಂದ ಹಣ ಬಿಡುಗಡೆ ಶೀಘ್ರವಾಗಿ ಆದಲ್ಲಿ ನೀರಿನ ಸಮಸ್ಯೆಗೆ ಪರಿಹಾರ ದೊರೆಯಲಿದೆ.

ಮಳೆ ಕೊರತೆಯ ಪ್ರಮಾಣ
ವಾಡಿಕೆಯಂತೆ ರಾಜ್ಯದಲ್ಲಿ ಆಗಬೇಕಿದ್ದ ಮುಂಗಾರು ಮಳೆಯ ಪ್ರಮಾಣದಲ್ಲಿ ಈ ಬಾರಿ ಶೇ. 18 ರಷ್ಟು ಕೊರತೆ ಉಂಟಾಗಿದೆ. ಸರಾಸರಿ ವಾರ್ಷಿಕ 839 ಮಿ.ಮೀ ಆಗಬೇಕಿದ್ದ ಮಳೆ ಈ ಬಾರಿ 688 ಮಿ.ಮೀ ಗಳಷ್ಟು ಆಗಿದೆ. ಇದೇ ರೀತಿ ಹಿಂಗಾರು ಮಳೆ ಕೂಡ ಕೈಕೊಟ್ಟಿದ್ದು, ವಾಡಿಕೆಯಂತೆ 188 ಮಿ.ಮೀ ಆಗಬೇಕಿದ್ದ ಮಳೆ 54 ಮಿ.ಮೀ ಆಗಿದ್ದು ಶೇ.71 ರಷ್ಟು ಕೊರತೆ ಉಂಟಾಗಿದೆ. ಬರ ಸ್ಥಿತಿ ಸತತ 6ನೇ ವರ್ಷಕ್ಕೆ ಕಾಲಿಟ್ಟಿರುವ ಕಾರಣಕ್ಕೆ ಸಮಸ್ಯೆ ತೀವ್ರ ಸ್ವರೂಪ ಪಡೆದುಕೊಂಡಿದೆ.

ಜಾನುವಾರುಗಳಿಗೆ ಮೇವು ಹಾಗೂ ನೀರಿನ ನಿರ್ವಹಣೆ
ನೀರಿನ ಸಮಸ್ಯೆ ಕೇವಲ ಜನರಿಗಷ್ಟೆ ಅಲ್ಲದೆ ಪಶು, ಪಕ್ಷಿ ಹಾಗೂ ಜಾನುವಾರುಗಳಿಗೂ ತೀವ್ರವಾಗಿ ತಟ್ಟಿದೆ. ರಾಜ್ಯ ಸರ್ಕಾರ ಕುಡಿಯುವ ನೀರು, ಜಾನುವಾರುಗಳಿಗೆ ಮೇವು ಮತ್ತು ನೀರಿನ ವ್ಯವಸ್ಥೆ ಮಾಡುವ ದೃಷ್ಟಿಯಿಂದ ಸಾಕಷ್ಟು ಹಣವನ್ನು ವಿನಿಯೋಗಿಸುತ್ತಿದೆ, ಈ ಬಾರಿ ಬರದ ತೀವ್ರತೆ ಹೆಚ್ಚಿರುವುದರಿಂದ 3 ರೂ.ಗೆ ನೀಡಲಾಗುತ್ತಿದ್ದ ಒಂದು ಕೆ.ಜಿ ಮೇವನ್ನು 2 ರೂ.ಗೆ  ನೀಡಲಾಗುತ್ತಿದೆ. ಇದರಿಂದ ಸರ್ಕಾರದ ಮೇಲೆ ಹೆಚ್ಚಿನ ಹೊರೆ ಬೀಳುತ್ತದೆ.
ಈಗಾಲೇ ರಾಜ್ಯದಲ್ಲಿ 95 ಮೇವು ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ, ಇದರಿಂದ 27 ಟನ್ ಮೇವನ್ನು ರೈತರು ಈಗಾಗಲೇ ಖರೀದಿಸಿದ್ದು, ದಿನದಿನಕ್ಕೂ ಮೇವಿನ ಬೇಡಿಕೆ ಹೆಚ್ಚಾಗುತ್ತಿದೆ. ಹಾಗಾಗಿ 3000 ಟನ್‍ಗಳ ಮೇವನ್ನು ಈಗಾಗಲೇ ದಾಸ್ತಾನು ಮಾಡಲಾಗಿದೆ. ಜೊತೆಯಲ್ಲಿ 45 ಗೋ ಶಾಲೆಗಳನ್ನು ಕೂಡ ತೆರೆಯಲಾಗಿದೆ. ಲಕ್ಷಾಂತರ ಮಂದಿ ರೈತರು ಇದರಿಂದ ಉಪಯೋಗವನ್ನು ಪಡೆಯುತ್ತಿದ್ದಾರೆ.
ರಾಜ್ಯ ಸರ್ಕಾರ ಬರ ಪರಿಸ್ಥಿತಿಯನ್ನು ಸಮರ್ಪಕವಾಗಿ ನಿರ್ವಹಿಸುತ್ತಿದ್ದರೂ ಸಂಪನ್ಮೂಲದ ಕೊರತೆ ಎದುರಿಸುತ್ತಿದೆ, ಈ ಬಗ್ಗೆ ಕೇಂದ್ರ ಸರ್ಕಾರಕ್ಕೆ ಹಲವಾರು ಬಾರಿ ಅನುದಾನಕ್ಕೆ ಮನವಿ ಮಾಡಿದರೂ ಈವರೆಗೆ ಸ್ಪಂದಿಸಿಲ್ಲ. ಈ ಸಮಯದಲ್ಲಿ ಸಮಸ್ಯೆಯ ಗಂಭೀರತೆಯನ್ನು ಅರ್ಥಮಾಡಿಕೊಳ್ಳದೇ ಇರುವುದು ದುರಂತ. ಕೇಂದ್ರ ಸರ್ಕಾರದಲ್ಲಿರುವ ರಾಜ್ಯದ ಸಚಿವರು ಹಾಗೂ ಸಂಸದರು ಒಕ್ಕೊರಲಿನಿಂದ ದನಿ ಎತ್ತಿ, ಪಕ್ಷಭೇದ ಮರೆತು ರಾಜ್ಯ ಸರ್ಕಾರದ ಜೊತೆ ಕೈಜೋಡಿಸುವ ಅಗತ್ಯವಿದೆ.

ಭಾರತೀಯ ರಿವರ್ಸ್ ಬ್ಯಾಂಕ್

Banks
ದೊಡ್ಡ ಮುಖ ಬೆಲೆಯ ನೋಟು ರದ್ದತಿಯ ನಂತರ ಭಾರತದಲ್ಲಿ ಕಪ್ಪು ಹಣದ ಹೊಳೆಯೇ ಬ್ಯಾಂಕಿಗೆ ಹರಿದು ಬರುತ್ತದೆ, ಚಲಾವಣೆಯಲ್ಲಿರುವ ಖೋಟಾ ನೋಟುಗಳ ದೊಡ್ಡ ಭಂಡಾರವೇ ಪತ್ತೆಯಾಗುತ್ತದೆ, ಭಯೋತ್ಪಾದನೆಗೆ ರವಾನೆಯಾಗುತ್ತಿರುವ ಅನಧಿಕೃತ ನಗದು ನಾಶವಾಗುತ್ತದೆ ಎಂದೆಲ್ಲಾ ಕೇಂದ್ರ ಸರ್ಕಾರ ದೊಡ್ಡದಾಗಿ ಬಿಂಬಿಸಿತ್ತು. ಹಾಗಾಗಿ ಜನಸಾಮಾನ್ಯರು ತಮಗೆ ನೋಟು ರದ್ದತಿಯಿಂದ ಉಂಟಾದ ಎಲ್ಲಾ ನೋವನ್ನು ನುಂಗಿಕೊಂಡು ಕೆಲವೇ ದಿನಗಳಲ್ಲಿ ದೇಶದ ಸಂಕಷ್ಟಗಳು ದೂರಾಗುತ್ತವೆ ಅದರಿಂದ ತಮಗೂ ಅನುಕೂಲವಾಗಬಹುದು ಎಂಬ ಕಲ್ಪನೆಯಿಂದಾಗಿ ನೋಟು ರದ್ದತಿಗೆ ಬೆಂಬಲವಾಗಿ ನಿಂತಿದ್ದರು. ಜನರ ಈ ಮೌನಕ್ಕೆ ಅತ್ಯಂತ ಮುಖ್ಯ ಕಾರಣ ದೇಶದ ಜನಸಂಖ್ಯೆಯ ಶೇ.60 ಕ್ಕಿಂತ ಹೆಚ್ಚು ಪ್ರಮಾಣದವರು ಇಂತಹಾ ಒಂದು ದೊಡ್ಡ ಬದಲಾವಣೆಯನ್ನು ಇದೇ ಮೊದಲ ಬಾರಿ ತಮ್ಮ ಜೀವಿತಾವಧಿಯಲ್ಲಿ ಕಾಣುತ್ತಿರುವುದು, ಹಾಗಾಗಿ ಇದರಿಂದ ದೊಡ್ಡ ಪವಾಡವೇ ನಡೆಯಬಹುದೆಂಬ ನಿರೀಕ್ಷೆಯಲ್ಲಿ ಕಾದು ಕುಳಿತರು. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾವು ನಂತರದ ಪರಿಸ್ಥಿತಿಯನ್ನು ಎದುರಿಸಲು ವಿಫಲವಾದ ಹಿನ್ನೆಲೆಯಲ್ಲಿ ದೇಶಾದ್ಯಂತ ವ್ಯಾಪಕ ಆಕ್ರೋಶಕ್ಕೆ ಗುರಿಯಾಗಿದೆ. ಇದಕ್ಕೆ ಮುಖ್ಯ ಕಾರಣ ಅದು ತನ್ನ ನಿಯಮಗಳನ್ನು ನಿರಂತರವಾಗಿ ಬದಲಾವಣೆ ಮಾಡುತ್ತಾ ಬಂದಿರುವುದು ಜೊತೆಗೆ ತನ್ನ ದೋಷವನ್ನು ಸರಿಪಡಿಸಿಕೊಳ್ಳಲು ಜನಸಾಮಾನ್ಯರ ಬಲಿಕೊಡಲು ಮುಂದಾಗಿರುವುದು.
ನಿರಂತರ ಬದಲಾಗುತ್ತಿರುವ ನಿಯಮಗಳು
ನೋಟು ರದ್ದತಿಯ ನಂತರ ಪ್ರಾರಂಭದಲ್ಲಿ ದಿನವೊಂದಕ್ಕೆ 4500 ರೂ.ಗಳ ಮಿತಿಯನ್ನು ವಿಧಿಸಲಾಗಿತ್ತು ಆದರೆ ಜನತೆಗೆ ಅಗತ್ಯ ಪ್ರಮಾಣದ ನೋಟು ಒದಗಿಸುವಲ್ಲಿ ವಿಫಲವಾದ ಹಿನ್ನೆಲೆಯಲ್ಲಿ ಆ ನಿಯಮವನ್ನು 2500 ರೂ.ಗಳಿಗೆ ಇಳಿಸುವ ಚಿಂತನೆ ನಡೆಸಿತು. ಈ ನಿಯಮಕ್ಕೆ ಜನತೆಯಿಂದ ತೀವ್ರ ವಿರೋಧವಾದ ಹಿನ್ನೆಲೆಯಲ್ಲಿ ತಕ್ಷಣ ಆ ನಿಯಮವನ್ನು ಕೈಬಿಟ್ಟಿತು. ಇದು ಆರ್‍ಬಿಐನ ಅರ್ಥರಹಿತ ನಿಯಮಗಳಿಗೆ ಒಂದು ಸ್ಪಷ್ಟ ಉದಾಹರಣೆ.
ಮೊದಲು ನೋಟು ರದ್ದತಿಯಿಂದ ಕಪ್ಪು ಹಣ ಹೊರಬರುತ್ತದೆ ಎಂದು ಜನರಿಗೆ ಸುಳ್ಳು ಭರವಸೆಯನ್ನು ನೀಡಿದ್ದ ಕೇಂದ್ರ ಸರ್ಕಾರ, ನಂತರದಲ್ಲಿ ಕಪ್ಪು ಹಣದ ವಿಚಾರವನ್ನು ಬದಿಗೊತ್ತಿ ನಗದು ರಹಿತ ವಹಿವಾಟು ವ್ಯವಸ್ಥೆಗೆ ಪ್ರೋತ್ಸಾಹ ನೀಡುವ ಕುರಿತು ತನ್ನ ಹೇಳಿಕೆಗಳನ್ನು ಬದಲಾಯಿಸಿಕೊಂಡಿತು. ಆದರೆ ಇದೀಗ ಬ್ಯಾಂಕ್‍ಗಳು ಜಾರಿಗೆ ತಂದಿರುವ ನಿಯಮವನ್ನು ನೋಡಿದರೆ ಜನಸಾಮಾನ್ಯರು ಬ್ಯಾಂಕ್ ಮೂಲಕ ವ್ಯವಹಾರ ಮಾಡಲು ಯೋಚಿಸುವಂತಾಗಿದೆ.
ಕಳೆದ ಕೆಲವು ದಿನಗಳಿಂದ ಬ್ಯಾಂಕುಗಳು ವಿಧಿಸುತ್ತಿರುವ ನಿಯಮಗಳನ್ನು ನೋಡಿದರೆ ಈ ಬ್ಯಾಂಕುಗಳ ಮೇಲೆ ಆರ್‍ಬಿಐ ಹಿಡಿತವೇ ಇಲ್ಲವೇನೊ ಎಂದು ಅನಿಸುತ್ತದೆ. ಉಳಿತಾಯ ಖಾತೆದಾರರಿಗೆ ಠೇವಣಿ ಹಾಗೂ ವಿತ್‍ಡ್ರಾ ಮೇಲೆ ಶುಲ್ಕದ ಹೊರೆ ವಿಧಿಸುತ್ತಿರುವ ಬ್ಯಾಂಕುಗಳು ಜನರ ತಾಳ್ಮೆ ಪರೀಕ್ಷೆಗೆ ಮುಂದಾಗಿರುವುದರ ಜೊತೆಗೆ ಆರ್‍ಬಿಐ ಅಧೀನ ಬ್ಯಾಂಕುಗಳಲ್ಲಿ ಏಕರೂಪದ ನಿಯಮಗಳಿಲ್ಲದೆ ಇರುವುದು ಕೂಡ ಜನರನ್ನು ಗೊಂದಲಕ್ಕೀಡುಮಾಡಿದೆ. ಕೆಲವು ಬ್ಯಾಂಕುಗಳು ಮೊದಲ ಮೂರು ವಹಿವಾಟುಗಳ ನಂತರ ರೂ. 50 ಶುಲ್ಕ ವಿಧಿಸಿದರೆ, ಕೆಲವು ಬ್ಯಾಂಕುಗಳು ರೂ. 150 ಶುಲ್ಕ ವಿಧಿಸಲು ಮುಂದಾಗಿವೆ.
ಎಸ್‍ಬಿಐ ಬ್ಯಾಂಕ್‍ನಲ್ಲಿ ಉಳಿತಾಯ ಖಾತೆದಾರರು ತಿಂಗಳಿಗೆ ಮೂರು ಬಾರಿ ಹಣ ಠೇವಣಿ ಇಡಬಹುದು. ನಂತರದ ಪ್ರತೀ ವಹಿವಾಟಿಗೂ ರೂ. 50 ಶುಲ್ಕ ವಿಧಿಸುತ್ತದೆ. ಖಾತೆದಾರರು ಕನಿಷ್ಠ ಬ್ಯಾಲೆನ್ಸ್ ಹೊಂದಿರಬೇಕು ಎಂಬ ನಿಯಮವನ್ನು ರೂಪಿಸಲಾಗಿದೆ. ಮೆಟ್ರೋ ಪಾಲಿಟನ್ ನಗರಗಳಲ್ಲಿ ರೂ. 5000 ಆಗಿದ್ದು, ಅದಕ್ಕಿಂತ ಕಡಿಮೆಯಾಗಿದ್ದಲ್ಲಿ ರೂ. 100 ದಂಡವನ್ನು ವಿಧಿಸಲಾಗುತ್ತದೆ. ಎಟಿಎಂ ವಿತ್‍ಡ್ರಾಗಳ ಮೇಲೂ ಶುಲ್ಕವನ್ನು ವಿಧಿಸಲಾಗುತ್ತಿದ್ದು, 10 ಹಾಗೂ 20 ರೂ.ಗಳ ಶುಲ್ಕ ವಿಧಿಸಲಾಗುತ್ತದೆ. ಭಾರತದ ಬ್ಯಾಂಕಿಗ್ ವಲಯದ ಹಿರಿಯಣ್ಣ ಎಂದು ಕರೆಯಲ್ಪಡುವ ಎಸ್‍ಬಿಐ ಹೀಗಾದಾಗ ಉಳಿದ ಬ್ಯಾಂಕುಗಳು ಅದನ್ನೆ ಅನುಸರಿಸುವುದು ಅತಿಶಯೋಕ್ತಿಯೇನಲ್ಲ.
ಇನ್ನು ಎಚ್‍ಡಿಎಫ್‍ಸಿ, ಐಸಿಐಸಿಐ ಮತ್ತು ಆಕ್ಸಿಸ್ ಬ್ಯಾಂಕ್‍ಗಳು ತಿಂಗಳಿಗೆ ನಾಲ್ಕಕಿಂತ ಹೆಚ್ಚು ಬಾರಿ ನಡೆಸುವ ಪ್ರತಿ ವ್ಯವಹಾರಕ್ಕೂ ರೂ.150 ಶುಲ್ಕವನ್ನು ವಿಧಿಸಲು ಮುಂದಾಗಿವೆ. ಹೀಗೆ ಎಲ್ಲಾ ಬ್ಯಾಂಕುಗಳು ಜನರ ಸುಲಿಗೆಗೆ ಇಳಿದಿದ್ದರೂ ಇದರ ಬಗ್ಗೆ ಮಾತನಾಡಬೇಕಾಗಿದ್ದ ಆರ್‍ಬಿಐ ಮೌನವಹಿಸಿದೆ. ಸಭೆ ನಡೆಸಿ ನಿರ್ಣಯ ಕೈಗೊಳ್ಳುವ ಸಂಪ್ರದಾಯಕ್ಕೆ ತಿಲಾಂಜಲಿ ಹಾಡಿದ್ದು, ತನ್ನ ಅಸ್ತಿತ್ವವನ್ನೇ ಕಳೆದುಕೊಂಡು, ಮೋದಿಯವರ ತಾಳಕ್ಕೆ ತಕ್ಕಂತೆ ಕುಣಿಯುತ್ತಿದೆ ಎಂಬುದು ಸ್ಪಷ್ಟವಾಗಿ ಕಂಡುಬರುತ್ತಿದೆ. ಒಟ್ಟಿನಲ್ಲಿ ಆರ್ಥಿಕ ವ್ಯವಹಾರಗಳ ಸುಗಮ ಪ್ರಕಿಯೆಗೆ ಇರುವ ಒಂದು ಸಂಸ್ಥೆ ಸ್ವಾತಂತ್ರ್ಯ ಬಂದ ನಂತರ ಈ ಮಟ್ಟಿಗೆ ಕುಖ್ಯಾತವಾಗಿರುವುದು ಇದೇ ಮೊದಲು.

When BJP’s politics hurts Karnataka’s progress

when-bjps-politics-hurts-karnatakas-progress
Close to a year after the launch of Centre’s much publicised Pradhan Mantri Ujjwala Yojana (PMUY), thousands of BPL families in Karnataka are still depending on kerosene and firewood for cooking. Even though 80,000 people across the State have given up their LPG subsidy to help BPL families get benefits of the PMUY; even though Karnataka is the only State that has voluntarily come forward to improve the scheme by sharing the cost; even though the Karnataka Government has submitted several memorandums to the Centre on implementing the Scheme – the Central Government continues to dole out its indifferent step-motherly treatment to the Congress ruled state.

As per PMUY, beneficiaries have to purchase stove, lighter and pipe as the scheme provides just the connection with a LPG cylinder. But Namma Sarkara in Karnataka, without the petty political mindset, has upped the ante and decided to improve the Centre’s scheme by providing the second cylinder, a double-burner stove and other materials free of cost.
 
Centre’s politics are of slumber on significant policy issues affecting Karnataka, and heightened manipulation of Central agencies to hurt Karnataka’s image politically. It’s time the PM wakes up to his adage of Sabka Vikas. The people of the state will remember this, PM Modi. Your politics versus our progress. We will decide.

ತಿರುಗುಬಾಣವಾದ ಯಡಿಯೂರಪ್ಪನವರ ಆರೋಪ

yadiyurappa-vs-cong-govt
ಸಾಮಾನ್ಯವಾಗಿ ಕನ್ನಡಿಗರೆಲ್ಲರೂ ಗೋವು ಮತ್ತು ಹುಲಿಯ ‘ಧರಣಿ ಮಂಡಲದ’ ಕಥೆಯನ್ನು ಕೇಳಿ, ಗೋವಿನ ತ್ಯಾಗ ಮತ್ತು ಹುಲಿಯ ಅಂತಃಕರುಣವನ್ನು ನೆನದು ಒಂದು ಕ್ಷಣವಾದರೂ ಮರುಗಿದ್ದೇವೆ. ಆ ಕರುಣಾಜನಕ ಕಥೆಯಲ್ಲಿ ಗೋವು ತ್ಯಾಗದ ಸಾಕಾರ ಮೂರ್ತಿಯಂತೆ ಕಂಡುಬಂದರೆ, ಹುಲಿ ಗೋವಿನ ವಚನ ನಿಷ್ಟತೆಗೆ ಮನಸೋತು ತಾನೇ ದ್ಯೇಹ ತ್ಯಾಗಕ್ಕೆ ಮುಂದಾಗಿ ಹೃದಯ ವೈಶಾಲ್ಯತೆ ಮೆರೆಯುತ್ತದೆ.
ಇದೇ ಸನ್ನಿವೇಶವನ್ನು ಇಂದಿನ ರಾಜಕೀಯಕ್ಕೆ ಹೋಲಿಸಿದರೆ ಒಂದು ಕಡೆ ನುಡಿದಂತೆ ನಡೆಯುತ್ತಿರುವ ಕಾಂಗ್ರೆಸ್ ಸರ್ಕಾರ ಗೋವಿನ ರೂಪದಲ್ಲಿ ನಿಂತಿದ್ದರೆ, ಮತ್ತೊಂದು ಕಡೆ ಸರ್ಕಾರದ ಕಾರ್ಯವೈಖರಿಯಲ್ಲಿ ದೋಷಗಳು ಸಿಗದೆ, ಹತಾಶ ಭಾವನೆಯಿಂದ ಹುರುಳಿಲ್ಲದ ಆರೋಪಗಳನ್ನು ಮಾಡುವ ಮೂಲಕ ಬಿಜೆಪಿ ತಾನು ಹುಲಿಯಲ್ಲ ನರಿ ಎಂಬುದನ್ನು ಸಾಬೀತು ಪಡಿಸುತ್ತಿದೆ. ಇಲ್ಲಿ ನಿಜಕ್ಕೂ ಸರ್ಕಾರದ ಕಾರ್ಯವೈಖರಿಯಲ್ಲಿ ದೋಷವಿದ್ದರೆ ಅದನ್ನು ತೋರಿಸಬೇಕೇ ಹೊರತು, ಕಲ್ಪನೆಯ ಮೇಲೆ ಆರೋಪ ಮಾಡಿ, ಸರ್ಕಾರದ ತಾಳ್ಮೆ ಪರೀಕ್ಷಿಸುವುದಲ್ಲ.
ರಾಜ್ಯ ರಾಜಕಾರಣದಲ್ಲಿ ಇಂದಿನ ಮಟ್ಟಿಗೆ ತೀವ್ರ ಕುತೂಹಲ ಮೂಡಿಸಿರುವ ಪ್ರಕರಣವೆಂದರೆ ಯಡಿಯೂರಪ್ಪನವರು ಮುಖ್ಯಮಂತ್ರಿಗಳ ಸಂಸದೀಯ ಕಾರ್ಯದರ್ಶಿಯವರ ವಿರುದ್ಧ ಮಾಡಿರುವ ಆಧಾರ ರಹಿತ ಆರೋಪ. ಸುಮಾರು 20 ವರ್ಷಗಳಿಂದ ಸಕ್ರೀಯ ರಾಜಕಾರಣದಲ್ಲಿ ಪ್ರಾಮಾಣಿಕವಾಗಿ ಸೇವೆ ಸಲ್ಲಿಸುತ್ತಾ ಬಂದಿರುವ ವ್ಯಕ್ತಿಯೊಬ್ಬರು ಕಾಂಗ್ರೆಸ್ ಹೈಕಮಾಂಡ್‍ಗೆ ಸಾವಿರ ಕೋಟಿ ಹಣ ಸಂದಾಯ ಮಾಡಲು ಮುಖ್ಯಮಂತ್ರಿಗಳಿಗೆ ಸಹಕಾರ ನೀಡಿದ್ದಾರೆ ಎಂದು ಅವರ ಮೇಲೆ ಸುಳ್ಳು ಆರೋಪ ಮಾಡುವ ಮೂಲಕ, ಅವರ ತೇಜೋವಧೆಗೆ ಮುಂದಾಗಿರುವುದು ದುರದೃಷ್ಟಕರ.
ಯಡಿಯೂರಪ್ಪನವರು ಇಂತಹಾ ಒಂದು ಗಂಭೀರ ಆರೋಪ ಮಾಡಿದ ನಂತರದಲ್ಲೂ ಕಾಂಗ್ರೆಸ್‍ನ ಯಾವ ನಾಯಕರು ಸ್ವಲ್ಪವೂ ವಿಚಲಿತರಾಗದೆ, ತಮ್ಮ ಪಕ್ಷದ ಸಿದ್ದಾಂತಗಳಿಗೆ ಚ್ಯುತಿಬಾರದಂತೆ ವರ್ತಿಸಿದರು. ಯಡಿಯೂರಪ್ಪನವರ ವಿರುದ್ಧ ಯಾವುದೇ ರೀತಿಯ ಕೆಳ ಮಟ್ಟದ ಹೇಳಿಕೆಗಳನ್ನ ನೀಡಲಿಲ್ಲ. ಈ ಸಂದರ್ಭದಲ್ಲಿ ಅವರಿಗೆ ತೋಚಿದ ಉತ್ತಮ ದಾರಿಯೆಂದರೆ ಕಾನೂನಿನ ಮೂಲಕ ಈ ಸಮಸ್ಯೆಗೆ ತಾರ್ಕಿಕ ಅಂತ್ಯವನ್ನು ಹಾಡುವ ಮೂಲಕ, ವಾಸ್ತವವನ್ನು ಹೊರ ಜಗತ್ತಿಗೆ ತಿಳಿಯುವಂತೆ ಮಾಡುವುದು.
ಈ ರೀತಿ ಕಾಂಗ್ರೆಸ್ ಮೇಲೆ ಆರೋಪ ಮಾಡಿದ ಕೆಲವೇ ಗಂಟೆಗಳ ನಂತರ ಯಡಿಯೂರಪ್ಪ ಮತ್ತು ಅನಂತಕುಮಾರ್ ಸಭೆಯೊಂದರಲ್ಲಿ ತಮ್ಮ ಆಡಳಿತಾವಧಿಯಲ್ಲಿ ಹೈಕಮಾಂಡ್‍ಗೆ ಹಣ ಸಂದಾಯ ಮಾಡಿದ ಅನುಭವವನ್ನು ಹಂಚಿಕೊಳ್ಳುವ ಮೂಲಕ, ತಾವು ತೋಡಿದ ಹಳ್ಳಕ್ಕೆ ತಾವಾಗಿಯೇ ಬಿದ್ದಿದ್ದಾರೆ. ಕೆಲವು ವರ್ಷದ ಹಿಂದೆ ನಡೆದ ಐಟಿ ದಾಳಿಯಲ್ಲಿ ಡೈರಿಯೊಂದು ಸಿಕ್ಕಿದೆ, ಅದರಲ್ಲಿ ಹಲವಾರು ಅಮೂಲ್ಯ ಮಾಹಿತಿಗಳಿದೆ ಎಂದು ಕಥೆ ಕಟ್ಟುವ ಮೂಲಕ ಜನರ ದಾರಿ ತಪ್ಪಿಸುವ ಪ್ರಯತ್ನಕ್ಕೆ ಕೈಹಾಕಿದ್ದು ವಿಪರ್ಯಾಸ.
ಒಂದು ವೇಳೆ ಡೈರಿ ಸಿಕ್ಕಿದೆ ಎಂದೇ ಇಟ್ಟುಕೊಳ್ಳೋಣ, ಅದರಲ್ಲಿನ ಮಾಹಿತಿಗಳು ಏನೇ ಆಗಿರಲಿ ಆ ಮಾಹಿತಿಗಳು ಯಡಿಯೂರಪ್ಪರಂತಹಾ ಸಂಸದರಿಗೆ ಸಿಗಲು ಹೇಗೆ ಸಾಧ್ಯ? ಹಾಗಾದರೆ ಐಟಿ, ಇಡಿ ಇಲಾಖೆಗಳು ಕೇಂದ್ರ ಸರ್ಕಾರದೊಂದಿಗೆ ತಮ್ಮ ಎಲ್ಲಾ ಗುಪ್ತ ಮಾಹಿತಿಗಳನ್ನು ಹಂಚಿಕೊಳ್ಳುತ್ತಿದೆಯೇ? ಹಾಗಾದರೆ ಭ್ರಷ್ಟಾಚಾರ ತಡೆಗೆ ಎಂದು ಸ್ಥಾಪಿತವಾದ ಸ್ವತಂತ್ರ ಸಂಸ್ಥೆಯೊಂದು, ಒಂದು ನಿರ್ಧಿಷ್ಟ ಪಕ್ಷದ ರಾಜಕೀಯ ಉದ್ದೇಶಗಳ ಈಡೇರಿಕೆಗೆ ಕಾರ್ಯ ನಿರ್ವಹಿಸುತ್ತಿದೆ ಎಂದಾದರೆ ಸಂವಿಧಾನದ ಆಶಯಗಳ ಈಡೇರಿಕೆ ಹೇಗೆ ಸಾಧ್ಯ?
ಈ ಆರೋಪದಿಂದ ಹೊರಬರಲು ಮುಖ್ಯಮಂತ್ರಿಗಳ ಸಂಸದೀಯ ಕಾರ್ಯದರ್ಶಿಯವರು ಯಡಿಯೂರಪ್ಪನವರ ವಿರುದ್ಧ ಕಾನೂನು ಸಮರಕ್ಕೆ ಇಳಿದಿದ್ದಾರೆ. ಈಗಾಗಲೇ ಮಾನನಷ್ಟ ಮೊಕದ್ದಮೆಯನ್ನು ದಾಖಲಿಸಿದ್ದು, ಈ ಮೂಲಕ ವಾಸ್ತವ ಮತ್ತು ಆರೋಪದ ನಡುವಿನ ಸತ್ಯವನ್ನು ಜಗತ್ತಿನ ಮುಂದೆ ತೆರೆದಿಡುವ ಕಾರ್ಯಕ್ಕೆ ಮುಂದಾಗಿರುವುದು ಸ್ವಾಗತಾರ್ಹ.
ಬಿಜೆಪಿ ಪಕ್ಷದ ನಾಯಕರು ಸುಳ್ಳು ಆರೋಪವನ್ನು ಮಾಡಿ, ಅದರ ಪರಿಣಾಮಗಳಿಗೆ ಉತ್ತರಿಸಲಾಗದೆ ಮಾಧ್ಯಮಗಳಿಂದ ದೂರ ಓಡುತ್ತಿದ್ದರೆ, ಕಾಂಗ್ರೆಸ್ ಪಕ್ಷದವರು ತಮ್ಮ ಮೇಲಿನ ಎಲ್ಲಾ ಸುಳ್ಳು ಆರೋಪಗಳಿಗೆ ಎದೆ ಕೊಟ್ಟು ನಿಂತು, ತಾವು ನುಡಿದಂತೆ ನಡೆಯುವ ನೇರ ವ್ಯಕ್ತಿತ್ವ ಮತ್ತು ಸಿದ್ದಾಂತಗಳಿಗೆ ಬದ್ಧರಾಗಿ ಬದುಕುವ ನೆಲೆಗಟ್ಟಿನಲ್ಲಿ ಬೆಳೆದವರು ಎಂಬುದನ್ನು ಎತ್ತಿಹಿಡಿಯುತ್ತಿದ್ದಾರೆ.
ಪ್ರತೀ ಬಾರಿ ಇಂತಹಾ ಪರೀಕ್ಷೆಗಳನ್ನು ಎದುರಿಸಿದಾಗಲೆಲ್ಲಾ ಕಾಂಗ್ರೆಸ್ ಹಿಂದಿಗಿಂತಲೂ ಸ್ಪುಟವಾದ ಚಿನ್ನದಂತೆ ಪ್ರಜ್ವಲಿಸುತ್ತಾ ಬಂದಿದೆ. ಈ ಬಾರಿಯೂ ಅದೇ ರೀತಿಯ ಫಲಿತಾಂಶ ಹೊರಬರುವ ನಿರೀಕ್ಷೆಯಿದೆ.

ಪರಿಕ್ಕರ್ ಆಡಳಿತ ಮತ್ತು ರಕ್ಷಣಾ ವೈಫಲ್ಯ

mohan-parekar
ಕಳೆದ ಕೆಲವಾರು ದಶಕಗಳ ಇತಿಹಾಸದಲ್ಲೇ ಅತ್ಯಂತ ಭೀಕರ ದಾಳಿ ಎಂದು ಕರೆಯಲ್ಪಡುವ ಉರಿ ಸೇನಾ ನೆಲೆ ಮೇಲೆ ಪಾಕಿಸ್ತಾನ ಪ್ರಚೋದಿತ ಭಯೋತ್ಪಾದಕರು ದಾಳಿ ಮಾಡಿದ ನಂತರದಲ್ಲಿ ರಕ್ಷಣಾ ವಿಫಲತೆಗಳನ್ನು ಜನರ ಮನಸ್ಸಿಂದ ದೂರಮಾಡಲು, 2016 ಸೆಪ್ಟಂಬರ್ 29 ರಂದು ಭಾರತೀಯ ಸೈನ್ಯ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದ ಕೆಲವು ಪ್ರದೇಶಗಳ ಮೇಲೆ ಸರ್ಜಿಕಲ್ ಸ್ಟ್ರೈಕ್ ಮಾಡುವ ಮೂಲಕ ದೇಶದ ಜನತೆಯ ಗಮನವನ್ನು ಅತ್ತ ಕಡೆ ಸೆಳೆಯುವಲ್ಲಿ ಕೇಂದ್ರ ಸರ್ಕಾರ ಯಶಸ್ವಿಯಾಯಿತು.
ಸರ್ಜಿಕಲ್ ಸ್ಟ್ರೈಕ್‍ನ ಬಗ್ಗೆ ಹೊಗಳಿಕೆ ಬೇಡ ಇದು ಪಾಕಿಸ್ತಾನದ ದೋರಣೆಗೆ ಪ್ರತೀಕಾರವಷ್ಟೆ ಎಂದು ಹೇಳುತ್ತಲೇ ಬಿಜೆಪಿ ಎದೆ ತಟ್ಟಿಕೊಂಡು ಆದನ್ನೆ ಕೊಂಡಾಡಿತು. ಕೇಂದ್ರ ಸರ್ಕಾರದ ರಕ್ಷಣಾ ಸಚಿವರಾದ ಮನೋಹರ್ ಪರಿಕ್ಕರ್‍ರವರನ್ನು ಬಿಜೆಪಿ ಪಕ್ಷದ ನಾಯಕರು ಅತ್ಯಂತ ಸಮರ್ಥ ಮತ್ತು ಚಾಣಾಕ್ಷ ಮಂತ್ರಿ ಎಂದು ಹೊಗಳಿದರು. ಮೋದಿಯಂತೂ ಇವರನ್ನು ತಮ್ಮ ಸಂಪುಟದ ಅನಘ್ರ್ಯ ರತ್ನ ಎಂದು ಬಣ್ಣಿಸಿದರು. ಅವರ ಮಾತಿನಂತೆ ಈ ರೀತಿ ಹೊಗಳುವ ಅಗತ್ಯವಿತ್ತೇ ಎಂಬ ಪ್ರಶ್ನೆ ಸಾಕಷ್ಟು ಜನರನ್ನು ಕಾಡಿತು.
‘ಮೇಕ್ ಇನ್ ಇಂಡಿಯಾ’ ಎಂಬ ಹೆಸರಿನಲ್ಲಿ ಮೋದಿ ದೇಶದ ಜನತೆಗೆ ಕರೆ ನೀಡಿರುವ ಬೆನ್ನಲ್ಲೇ, ಹಲವಾರು ವರ್ಷಗಳಿಂದ ಅರ್ಜುನ್ ಎಂಬ ಹೆಸರಿನ ಯುದ್ಧ ಟ್ಯಾಂಕರನ್ನು ತಯಾರಿಸಿ, ಸೇನೆಗೆ ಒದಗಿಸುತ್ತಿದ್ದ ದೇಶದ ಸಂಸ್ಥೆಯನ್ನು ಕಡೆಗಾಣಿಸುವಂತಹಾ ಹೆಜ್ಜೆಯನ್ನು ಕೇಂದ್ರ ಸರ್ಕಾರ ಅನುಸರಿಸಿತು. ಆ ಮೂಲಕ ವಿದೇಶಿ ಕಂಪೆನಿಗೆ ಭಾರತದಲ್ಲಿ ಯುದ್ಧ ಟ್ಯಾಂಕರನ್ನು ಅಭಿವೃದ್ಧಿ ಪಡಿಸುವ ಹೊಣೆಗಾರಿಕೆಯನ್ನು ನೀಡಿದರು. ಮೇಕ್ ಇನ್ ಇಂಡಿಯಾ ಯೋಜನೆಗೆ ಅರ್ಥ ಬರುವಂತೆ ಅರ್ಜುನ್ ಹೆಸರಿನ ಯುದ್ಧ ಟ್ಯಾಂಕರನ್ನು ಸಾಕಷ್ಟು ಪರಿಶ್ರಮದಿಂದ ನಿರ್ಮಾಣ ಮಾಡಿದ ಶ್ರಮ ಅಲ್ಲಿಗೆ ವ್ಯರ್ಥವಾಯಿತು.
ಸೈನ್ಯಕ್ಕೆ ಅಗತ್ಯವಿರುವ ಸುಧಾರಿತ ಶಸ್ತ್ರಾಸ್ತ್ರಗಳನ್ನು, ಗುಣಮಟ್ಟದ ಆಹಾರವನ್ನು ಪೂರೈಸುವ ವ್ಯವಸ್ಥೆಯನ್ನು ಕೂಡ ನಿರ್ವಹಿಸಲು ಇವರಿಂದ ಸಾಧ್ಯವಾಗಿಲ್ಲ. ಖಾಲಿ ಹೊಟ್ಟೆ ಯೋಧನೊಬ್ಬ ದೇಶ ಕಾಯಬೇಕಾಗಿರುವುದು ನಿಜಕ್ಕೂ ದುರಂತವೇ ಸರಿ. ಇಂತಹಾ ಕಾರಣಗಳೇ ದೇಶದ ಭದ್ರತಾ ಲೋಪಗಳಿಗೆ ಕಾರಣವಾಗುತ್ತವೆ.
ಮೊನ್ನೆ ಮೊನ್ನೆ ಬಿಎಸ್‍ಎಫ್ ಯೋಧನೊಬ್ಬ ತಮಗೆ ಸೈನ್ಯದಲ್ಲಿ ಕಳಪೆ ಆಹಾರವನ್ನು ಪೂರೈಸಲಾಗುತ್ತಿದೆ ಎಂದು ಆರೋಪಿಸಿ, ಅದನ್ನು ವಿಡಿಯೋ ಮೂಲಕ ಚಿತ್ರೀಕರಿಸಿ, ಸಾಮಾಜಿಕ ಜಾಲತಾಣದಲ್ಲಿ ಬಿಡುಗಡೆ ಮಾಡಿದ, ಕಾಶ್ಮೀರದ ಸೈನಿಕರ ಕ್ಯಾಂಪ್‍ಗಳ ಬಳಿ ಇಂಧನ ಮತ್ತು ಆಹಾರ ಸಾಮಾಗ್ರಿಗಳನ್ನು ಅರ್ಧ ಬೆಲೆಗೆ ಮಾರಾಟ ಮಾಡಲಾಗುತ್ತಿದೆ ಎಂದು ಅಲ್ಲಿನ ಜನರೇ ಆರೋಪಿಸಿದರೂ ಕೂಡ, ತಪ್ಪಿತಸ್ಥರ ವಿರುದ್ಧ ಕ್ರಮ ಜರುಗಿಸದೆ ಆರೋಪ ಮಾಡಿದ ಸೈನಿಕನಿಗೆ ಕುಡಿತದ ಅಭ್ಯಾಸವಿತ್ತು ಮತ್ತು ಹಲವಾರು ಬಾರಿ ಆತ ಸೈನ್ಯದ ನಿಯಮ ಉಲ್ಲಂಘನೆ ಮಾಡಿದ್ದನೆಂಬ ಪಟ್ಟ ಕಟ್ಟಿ ತಮ್ಮ ದೋಷವನ್ನು ಆತನ ಮೇಲೆ ಹೊರಿಸಲಾಯಿತು.
ಜಮ್ಮು-ಕಾಶ್ಮೀರದ ಉರಿ ಸೇನಾ ನೆಲೆಯ ಮೇಲಿನ ದಾಳಿ ಇವರ ಆಡಳಿತದ ವಿಫಲತೆಗೆ ಸ್ಪಷ್ಟ ಉದಾಹರಣೆಯಾಗಿದೆ. ಸಾಕಷ್ಟು ಸಾವು-ನೋವುಗಳು ಸಂಭವಿಸಿದ ನಂತರ ಅದರ ವೈಫಲ್ಯವನ್ನು ರಕ್ಷಣಾ ಸಚಿವರು ಒಪ್ಪಿಕೊಂಡರು.
ಈ ಘಟನೆಯ ನಂತರ ಕೂಡ ಅಕ್ಟೋಬರ್ ತಿಂಗಳಿನಲ್ಲಿ ಬಾರಾಮುಲ್ಲಾ ಮತ್ತು ಹಂದ್ವಾರದ ಸೇನಾ ನೆಲೆಯ ಮೇಲೆ ಭಯೋತ್ಪಾದಕ ದಾಳಿಗಳು ನಡೆದಿವೆ. ಅದಕ್ಕೂ ಹಿಂದೆ ಪಠಾನ್‍ಕೋಟ್ ಮತ್ತು ಪಂಪೋರ್‍ನ ಮೇಲೆ ದಾಳಿಗಳು ನಡೆದಿತ್ತು. ಇಷ್ಟೆಲ್ಲಾ ನಡೆದರೂ ಇನ್ನೂ ಕೂಡ ಭಯೋತ್ಪಾದಕ ದಾಳಿಗಳನ್ನು ತಡೆಯುವ ನಿಟ್ಟಿನಲ್ಲಿ ರಕ್ಷಣಾ ಇಲಾಖೆ ವಿಫಲವಾಗಿದೆ. ಕಳೆದ ಎರಡು ವರ್ಷಗಳ ಅವಧಿಯಲ್ಲಿ ಭಾರತದ ಮೇಲೆ ಅತೀ ಹೆಚ್ಚು ಭಯೋತ್ಪಾದಕ ದಾಳಿಗಳು ನಡೆದಿವೆ ಎಂಬುದು ವರದಿಗಳಿಂದ ಕೂಡ ಸಾಬೀತಾಗಿದೆ.
ದೇಶ ರಕ್ಷಣೆ ಮಾಡುವ ಸೈನಿಕರ ಸ್ಥಿತಿಗತಿಗಳ ಬಗ್ಗೆ ದೇಶಾದ್ಯಂತ ಚರ್ಚೆ ನಡೆಯುತ್ತಿದೆ. ಅದನ್ನು ಸುಧಾರಣೆ ಮಾಡುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಗಮನ ಹರಿಸಬೇಕಾಗಿದೆ. ಬರಿಯ ಹೇಳಿಕೆಗಳಿಂದ ಸುಧಾರಣೆ ಸಾಧ್ಯವಿಲ್ಲ ಎಂಬುದನ್ನು ಇನ್ನಾದರೂ ಅರಿತು ಅದನ್ನು ಕಾರ್ಯರೂಪಕ್ಕೆ ತರಬೇಕಾದ ಅಗತ್ಯವಿದೆ.

ಪತನದ ಹಾದಿಯಲ್ಲಿ ರಾಜ್ಯ ಬಿಜೆಪಿ

bjp-state-leadres_1
ಶಿಸ್ತು ಪಾಲನೆಗೆ ಹೆಸರುವಾಸಿಯಾಗಿದ್ದ ಸಂಘ ಪರಿವಾರ ಮತ್ತು ಬಿಜೆಪಿ ಪಕ್ಷ ಕಾಲ ಕ್ರಮೇಣ ತನ್ನ ಸಿದ್ದಾಂತಗಳನ್ನು ಬದಿಗಿಟ್ಟು, ಸಮಾಜದಲ್ಲಿ ತಲೆ ತಗ್ಗಿಸುವಂತಹಾ ಕಾರ್ಯಗಳಲ್ಲಿ ತೊಡಗಿರುವುದು ನಿಜಕ್ಕೂ ನಾಚಿಕೆಗೇಡಿನ ಸಂಗತಿ. ಅದಕ್ಕೆ ಇತ್ತೀಚಿನ ಬೆಳವಣಿಗೆಗಳೇ ಸಾಕ್ಷಿಯಾಗಿವೆ.
ಆರ್‍ಎಸ್‍ಎಸ್ ಮತ್ತು ಬಿಜೆಪಿ ಒಂದೇ ನಾಣ್ಯದ ಎರಡು ಮುಖಗಳು ಎಂದು ಬಿಂಬಿಸಲಾಗುತ್ತಿತ್ತು, ಸಮಾಜದಲ್ಲಿ ಶಾಂತಿ ಮತ್ತು ಸಂಯಮ ಕಾಪಾಡಿಕೊಂಡು, ಸಮಾಜಕ್ಕೆ ತನ್ನಿಂದ ಸಾದ್ಯವಾಗುವ ಸಹಾಯವನ್ನು ಮಾಡಬೇಕೆಂಬ ಆರ್‍ಎಸ್‍ಎಸ್‍ನ ಮೂಲಭೂತ ಉದ್ದೇಶ ಇಂದು ಕಣ್ಮರೆಯಾಗಿ, ಸ್ವಾರ್ಥಕ್ಕಾಗಿ ಎಂತಹಾ ಹೀನ ಕೃತ್ಯಕ್ಕೂ ಹೇಸುವುದಿಲ್ಲ ಎಂಬ ಮಟ್ಟಕ್ಕೆ ಇಳಿದಿರುವ ಬಿಜೆಪಿ ಪಕ್ಷದಿಂದ ನಿಜಕ್ಕೂ ಸಮಾಜದ ಒಳಿತು ನಿರೀಕ್ಷೆ ಮಾಡಲು ಸಾದ್ಯವೇ?
ಕಳೆದ ಹತ್ತಾರು ದಿನದಿಂದ ಬಿಜೆಪಿ ನಾಯಕರು ನಿತ್ಯ ಒಂದಿಲ್ಲೊಂದು ಹಲ್ಲೆ, ದುರ್ವತನೆ, ಅವ್ಯಾಚ್ಯ ಪದ ಬಳಕೆ ಈ ರೀತಿಯ ಗೂಂಡಾ ವರ್ತನೆಯಿಂದ ಸುದ್ದಿಯಾಗುತ್ತಿರುವುದು ಅವರ ತತ್ವ ಸಿದ್ದಾಂತಗಳ ವಾಸ್ತವತೆಯ ಅರಿವು ಜನರಲ್ಲಿ ಮೂಡುವಂತೆ ಮಾಡಿದೆ. ಮೋದಿ ತಮ್ಮ ಆಡಳಿತದಲ್ಲಿ ಸಮಾಜದ ಅಭಿವೃದ್ಧಿ ಸಾಧನೆಗೆ ಒತ್ತು ನೀಡಿರುವುದಾಗಿ ಹೇಳುವುದು ಒಂದು ಕಡೆಯಾದರೆ, ಇತ್ತ ಅವರದೇ ಪಕ್ಷದವರು ಸಮಾಜದ ಶಾಂತಿ ಹಾಳು ಮಾಡುತ್ತಿರುವುದು ಮೋದಿಯ ಬಗ್ಗೆಯೇ ಪ್ರಶ್ನೆಗಳು ಮೂಡುವಂತೆ ಮಾಡಿದೆ.
ಎತ್ತಿನಹೊಳೆ ಯೋಜನೆಗೆ ಸಂಬಂಧಿಸಿದಂತೆ ಮಾನ್ಯ ಸಂಸದರಾದ ನಳಿನ್ ಕುಮಾರ್ ಕಟೀಲ್‍ರವರು ಜಿಲ್ಲೆಗೇ ಬೆಂಕಿ ಹಚ್ಚುವುದಾಗಿ ಹೇಳಿದರು, ಜವಾಬ್ದಾರಿಯುತ ಸ್ಥಾನದಲ್ಲಿರುವ ನಾಯಕರೊಬ್ಬರು ಸಮಾಜದ ಮುಂದೆ ಯಾವ ರೀತಿಯ ಹೇಳಿಕೆಗಳನ್ನು ನೀಡಬೇಕು ಎಂಬ ಕನಿಷ್ಠ ಜ್ಞಾನವನ್ನು ಹೊಂದದೇ ಇರುವುದು ದುರಂತವೇ ಸರಿ. ಅವರು ಬೆಂಕಿ ಇಡುತ್ತೇನೆ ಎಂದದ್ದನ್ನೇ ಅವರ ಅಭಿಮಾನಿಗಳು ಕಾರ್ಯರೂಪಗೊಳಿಸಿದರೆ ಅದರ ಹೊಣೆ ಹೊರುವವರು ಯಾರು? ಇಂತಹಾ ಹೇಳಿಕೆಗಳಿಂದಲೇ ಗಲಭೆಗಳು ನಡೆದು ಹಲವಾರು ಸಾವು, ನೋವುಗಳು ಸಂಭವಿಸುವುದು.
ಇನ್ನು ಸಂಸದ ಅನಂತ್‍ಕುಮಾರ್ ಹೆಗಡೆ ವಿಚಾರವನ್ನು ನೋಡಿದರೆ, ಆತ ಸುಸಂಸ್ಕøತ ಜಿಲ್ಲೆ ಎಂದು ಹೆಸರುವಾಸಿಯಾದ ಸಿರಸಿಯಲ್ಲಿ ಬೆಳೆದು, ಆರ್‍ಎಸ್‍ಎಸ್ ಹಿನ್ನೆಲೆಯನ್ನು ಹೊಂದಿದ್ದು ಕೂಡ, ಕಾರ್ಯನಿರತ ವೈದ್ಯರ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ್ದಾರೆ. ಜನರ ಜೀವ ರಕ್ಷಣೆಯ ಗುರುತರ ಜವಬ್ದಾರಿ ಹೊತ್ತಿರುವ ವೈದ್ಯರನ್ನೇ ಯಾವುದೋ ಒಂದು ಕ್ಷುಲ್ಲಕ ಕಾರಣಕ್ಕೆ ಹೊಡೆಯಬಹುದಾದರೆ, ಸಮಾಜದಲ್ಲಿ ವೃತ್ತಿ ಗೌರವ ಎಂಬುದು ಹೇಗೆ ಉಳಿಯುತ್ತದೆ? ತಮ್ಮ ಸುತ್ತಲಿನವರಿಗೆ ಮಾದರಿಯಾಗಬೇಕಾದ ನಾಯಕನೊಬ್ಬ ಸಾಮಾನ್ಯ ರೌಡಿಯಂತೆ ಬಡಿದಾಡುವುದು ಎಷ್ಟು ಸರಿ? ಎಂಬ ಪ್ರಶ್ನೆ ಎಲ್ಲರಲ್ಲೂ ಉದ್ಭವಿಸುತ್ತದೆ.
ಇದೇ ಭಾನುವಾರ ಬೆಳಗಾವಿ ಜಿಲ್ಲೆಯ ಕಾಗವಾಡದ ಎಂಎಲ್‍ಎ ರಾಜು ಕಾಗೆಯವರ ವಿರುದ್ಧ ಫೇಸ್‍ಬುಕ್‍ನಲ್ಲಿ ಚುನಾವಣಾ ವಿಷಯದಲ್ಲಿ ಕಮೆಂಟ್ ಮಾಡಿದ ಎಂಬ ಒಂದೇ ಕಾರಣಕ್ಕೆ ಆತನಿಗೆ ಶಾಸಕರ ಹೆಂಡತಿ, ಮಗಳು ಮತ್ತು ಅವರ ಕಡೆಯ ರೌಡಿಗಳು ಸೇರಿ ಕಾಲು ಮುರಿಯುವ ರೀತಿ ಹಲ್ಲೆಯನ್ನು ಮಾಡಿದ್ದಾರೆ. ಹಲ್ಲೆಗೊಳಗಾದವನು ಇಂದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಒಬ್ಬ ಶಾಸಕ ತಮ್ಮ ವಿರುದ್ಧ ಮಾತನಾಡಿದವರ ಧಮನಕ್ಕೆ ಗೂಂಡಾಗಿರಿಯ ಕಾರ್ಯಕ್ಕೆ ಇಳಿದರೆ, ಸಮಾಜದ ನೈತಿಕತೆಯ ಮಟ್ಟ ಎಲ್ಲಿಗೆ ಹೋಗಬಹುದು? ಎಂದು ಅಂದಾಜಿಸಲೂ ಕೂಡ ಸಾಧ್ಯವಿಲ್ಲ. ಚುನಾವಣೆಯಲ್ಲಿ ಲಕ್ಷಾಂತರ ಜನರ ಮತ ಗಳಿಸಿ ತಮ್ಮ ಪಕ್ಷ, ಕ್ಷೇತ್ರ ಮತ್ತು ರಾಜ್ಯದ ಜನತೆಗೆ ಮಾದರಿಯಾಗಬೇಕಾದ ನಾಯಕರು, ಪೊಲೀಸ್ ಠಾಣೆ ಮೆಟ್ಟಿಲೇರಿ ಕಟಕಟೆಯಲ್ಲಿ ಅಪರಾಧಿಯಂತೆ ನಿಂತರೆ ಅವರಿಗೆ ಮತ ನೀಡಿದವರಿಗೆ ಹೋಗುವ ಸಂದೇಶವಾದರೂ ಏನು?
ಒಟ್ಟಿನಲ್ಲಿ ಮೋದಿ ಜನರಿಗೆ ಭರವಸೆಗಳ ಮಹಾಪೂರವನ್ನೇ ನೀಡುತ್ತಿದ್ದು, ಅದನ್ನು ಈಡೇರಿಸುವ ನಿಟ್ಟಿನಲ್ಲಿ ಪಕ್ಷದ ನಾಯಕರು ಕಾರ್ಯಪ್ರವೃತ್ತವಾಗುವ ಬದಲು, ತಮ್ಮನ್ನು ನಂಬಿದ ಜನತೆಯ ಪ್ರಾಣ ತೆಗೆಯುವ ಹೀನ ಕಾರ್ಯಕ್ಕೆ ಮುಂದಾಗಿರುವುದು ನಿಜಕ್ಕೂ ದುರಂತ ವಿಚಾರ. ಇನ್ನಾದರೂ ಈ ನಾಯಕರು ಸಮಾಜದ ಏಳಿಗೆಗೆ ಶ್ರಮಿಸಬೇಕು ಎಂಬುದೇ ರಾಜ್ಯದ ನಾಗರೀಕರಾಗಿ ನಮ್ಮ ಕೋರಿಕೆ.

Meet demands or burn to ashes…!

bjp-mp-nalin-kateel
Arson at the drop of a hat seems to be the saffron mantra. At a rally in Mangaluru, BJP MP Nalin Kateel issued a public threat to the law enforcement, and a loud rally call to protesting mobs.
Addressing a rally of protesters who were demanding speedy justice in the alleged murder of a BJP worker’s son in Konaje, Kateel issued a public threat to the state’s law enforcement. If the accused were not arrested soon, he said, ‘BJP workers are capable of setting the district on fire’.
He might have been quick to retract his statements, blame his ill health for the muddled communication, and later make hollow appeals for peace. But the public is quicker to read your mind, Kateel Ji. If this is not incitement to violence, then what is? To give an angry mob what it wants is beyond foolhardy. It is dangerous politicking for popularity.
2018 is coming. We will remember your statements. Your kind of politics will never win.The ethos and cultural fabric of this country are much stronger than your vile politics. Kannadigas are a peaceful people, and not one to be instigated by hate mongers.
Remember Kateel Ji, that a real taste of your prescription could ultimately prove too costly for us all. BJP included.

Left high and dry

left-high-and-dry
Karnataka must brace itself for more pain this new year. Sources in the Central Government suggest we are unlikely to get the entire drought assistance sought. Faced with the worst drought in 40 years & crop failure on 36.35 lakh hectares, we had sought a relief package worth Rs. 4,700 odd crore under the National Disaster Response Fund, from the Centre.
After repeated requests, the PM finally gave the state time, when he met CM Siddaramaiah last week. The much awaited meeting was closely watched by Kannadigas, hoping to get their due after months of dry spell affecting agriculture, power generation, ground water recharge, drinking water supply and fodder availability.
Media reports today suggest that a sub-committee on drought that reviewed the proposal of the Karnataka government vis-a-vis the report of the central team submitted after visiting drought-hit areas, recommended a mere Rs. 1,780 crore towards 2016 kharif crop loss. Although this recommendation is to be deliberated at the High-Level Committee Meeting, it speaks of the step-motherly treatment being meted out to Karnataka by the current establishment.
Nature has been unkindly towards Karnataka for a few years now, letting us suffer with harsh weather conditions. And now, the Central Government will leave no stone unturned in increasing this suffering. It took multiple requests & letters, and mounting public, media pressure for the PM to grant Karnataka an appointment. And now, the relief fund recommended by the sub-committee is 38 per cent lower than the amount sought by us!
Looks like the 139 drought hit taluks in Karnataka don’t feature in the Prime Minister’s India. What else could explain this brazen injustice?

Finally, a thought for Karnataka

finally-a-thought-for-karnatakaWe hope the PM walks the talk and shows his commitment to the people of Karnataka who have been reeling under successive drought for the past few years. Drought and floods in some parts of the state have had a severe impact on agricultural crops and the farming community in general.
Waiving off loans has been a loud demand in the face of these hardships. The state government has set up cabinet sub-committees to review the on ground situation, and one hopes the demand for loan waiver receives its due. Moreover, most farmers in the state have taken loans from nationalised banks. Why doesn’t the Central Government consider waiving off these loans? Why doesn’t it use the stated gains from demonetisation for the benefits of farmers?
In any case, one hopes the upcoming meeting between the leaders results in the much sought after financial aid for Karnataka. We have been asking and asking, Modi Ji. Pleading ignorance isn’t a good look. Even for you.

ಎತ್ತಿನಹೊಳೆ ಯೋಜನೆಯಲ್ಲಿ ಬಿಜೆಪಿಯ ಇಬ್ಬಗೆಯ ನೀತಿ

yethinahole-blog-lk

ಎತ್ತಿನಹೊಳೆ ಯೋಜನೆ ಸಧ್ಯದ ಪರಿಸ್ಥಿತಿಯಲ್ಲಿ ರಾಜ್ಯ ರಾಜಕೀಯ ವಲಯದಲ್ಲಿ ತೀವ್ರ ಕುತೂಹಲ ಮೂಡಿಸಿದ ಯೋಜನೆಯಾಗಿದೆ. ಈ ವಿಚಾರದಲ್ಲಿ ಬಿಜೆಪಿ ಪಕ್ಷ ತನ್ನ ರಾಜಕೀಯ ಬೇಳೆ ಬೇಯಿಸಿಕೊಳ್ಳಲು ಮುಂದಾಗಿರುವುದು ನಿಜಕ್ಕೂ ವಿಪರ್ಯಾಸದ ಸಂಗತಿಯಾಗಿದೆ. 2012 ನೇ ಇಸವಿಯಲ್ಲಿ ರಾಜ್ಯದಲ್ಲಿ ಬಿಜೆಪಿ ಆಡಳಿತದಲ್ಲಿ ಇದ್ದ ಸಮಯದಲ್ಲಿಯೇ ಈ ಯೋಜನೆಗೆ ಸಮ್ಮತಿ ಸೂಚಿಸಿ, ಅದೇ ಯೊಜನೆಯನ್ನು ಈಗ ಸರ್ಕಾರ ಕಾರ್ಯ ರೂಪಕ್ಕೆ ತರಲು ಹೊರಟಿರುವಾಗ ವಿರೋಧಿಸುತ್ತಿರುವುದು ಎಷ್ಟು ಸಮಂಜಸ? ಎಂಬ ಪ್ರಶ್ನೆ ಎದುರಾಗುತ್ತದೆ.

ಅಂದು ಈ ಯೋಜನೆ ಆರಂಭಿಸಲು ಸರ್ಕಾರ ನೀಡಿದ ವರದಿಯ ಪ್ರಕಾರ “ರಾಜ್ಯದ ಪೂರ್ವ ಭಾಗದ ಜೆಲ್ಲೆಗಳಲ್ಲಿ ಕುಡಿಯುವ ನೀರಿನ ತೀವ್ರ ಅಭಾವ ಇರುವ ಹಿನ್ನಲೆಯಲ್ಲಿ, ಶೀಘ್ರವಾಗಿ ನೀರು ಒದಗಿಸುವ ಹಿನ್ನಲೆಯಲ್ಲಿ ಯಾವುದೇ ಅಂತರ ರಾಜ್ಯಗಳ ವಿವಾದವಿಲ್ಲದೆ ಮಳೆಗಾಲದಲ್ಲಿ ವ್ಯರ್ಥವಾಗಿ ಹರಿದು ಸಮುದ್ರ ಸೇರುವ ಪಶ್ಚಿಮ ಘಟ್ಟಗಳ ಹಳ್ಳಗಳ ಮೇಲ್ಭಾಗದ ಪ್ರವಾಹದ ನೀರನ್ನು ಪೂರ್ವ ಭಾಗದ ಪ್ರದೇಶಗಳಾದ ಕೋಲಾರ, ಚಿಕ್ಕಬಳ್ಳಾಪುರ, ಬೆಂಗಳೂರು ಗ್ರಾಮಾಂತರ, ರಾಮನಗರ ಹಾಗೂ ತುಮಕೂರು ಜಿಲ್ಲೆಗಳಿಗೆ ಪೂರೈಸಲು ನಿರ್ಧರಿಸಲಾಗಿದೆ” ಎಂದು ತಿಳಿಸಲಾಗಿತ್ತು.

ಈ ಯೋಜನೆಯಿಂದ ವಾರ್ಷಿಕ 24.01 ಟಿಎಂಸಿ ನೀರನ್ನು ಬಳಕೆ ಮಾಡಿಕೊಳ್ಳಬಹುದು ಎಂದು ಅಂದಾಜಿಸಲಾಗಿತ್ತು. ಯೋಜನೆಯಿಂದ 68.35 ಲಕ್ಷ ಜನರು ಪ್ರಯೋಜನ ಪಡೆಯಲಿದ್ದಾರೆ ಎಂದು ಸರ್ಕಾರ ತಿಳಿಸಿತ್ತು. ಸುಮಾರು 274 ಕಿ.ಮೀ ಉದ್ದದ ಕಾಲುವೆಯನ್ನು ನಿರ್ಮಿಸಲು ಉದ್ದೇಶಿಲಾಗಿತ್ತು. ಕೊರಟಗೆರೆ ತಾಲೂಕಿನ ಭೈರಗೊಂಡಲು ಗ್ರಾಮದ ಬಳಿ 5.78 ಟಿ.ಎಂ.ಸಿ ಸಾಮಥ್ರ್ಯದ ಜಲಾಶಯ ನಿರ್ಮಾಣ ಮಾಡಲು ಯೋಜನೆ ರೂಪಿಸಲಾಗಿತ್ತು. ಒಟ್ಟು 12,912.36 ಕೋಟಿ ರೂಪಾಯಿ ವೆಚ್ಚವಾಗಲಿದೆ ಎಂದು ಅಂದಾಜಿಸಲಾಗಿತ್ತು. ಹೀಗೆ ಇದು ಒಂದು ಉತ್ತಮ ಯೋಜನೆಯಾಗಿ ರೂಪುಗೊಂಡಿತ್ತು.

ಈ ಯೋಜನೆಗೆ ಸಿದ್ದರಾಮಯ್ಯನವರ ಸರ್ಕಾರ ಕೈಹಾಕಲು ಮುಖ್ಯ ಕಾರಣ ರಾಜ್ಯದ ಪೂರ್ವದ ಜಿಲ್ಲೆಗಳ ಸದ್ಯದ ಪರಿಸ್ಥಿತಿ. ಹೀಗಿದೆ:

ಕೋಲಾರ, ಮುಳಬಾಗಿಲು ಪ್ರದೇಶದಲ್ಲಿನ ಕುಡಿಯುವ ನೀರಿನ ಸಮಸ್ಯೆ ಕಂಡರೆ ಯಾವುದೇ ಕುಡಿಯುವ ನೀರಿನ ಯೋಜನೆಯನ್ನು ವಿರೋಧಿಸಲು ಮನಸ್ಸಾಗುವುದಿಲ್ಲ. ಮಳೆಯ ಅಭಾವದಿಂದ ಕೆರೆ, ಕಟ್ಟೆಗಳು. ಸಾವಿರಾರು ಕೊಳವೆ ಬಾವಿಗಳು ಬತ್ತಿ ಜನರು ನಿತ್ಯ ಕುಡಿಯುವ ನೀರಿಗೂ ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಹಾಗಾಗಿ ಸಮುದ್ರ ಸೇರಿ ಪೋಲಾಗುವ ನೀರನ್ನು ಜನರ ಬಳಕೆಗೆ ತರುವ ಉದ್ದೇಶದಿಂದ ಯೋಜನೆಯನ್ನು ಜಾರಿಗೆ ತರಲು ಸರ್ಕಾರ ತೀರ್ಮಾನಿಸಿದೆ.

ಎತ್ತಿನಹೊಳೆ ಯೋಜನೆಯನ್ನು ಸರ್ಕಾರ ಕೈಗೆತ್ತಿಕೊಂಡಾಗಿನಿಂದಲೂ ದಕ್ಷಿಣ ಕನ್ನಡ ಜಿಲ್ಲೆಗಳಲ್ಲಿ ಜನರು ವಿರೋಧ ವ್ಯಕ್ತಪಡಿಸುತ್ತಲೇ ಬಂದಿದ್ದಾರೆ. ಇಲ್ಲಿನ ಪರಿಸರವನ್ನು ನಾಶ ಮಾಡಿ ಅನುಕೂಲಸಿಂಧು ರಾಜಕಾರಣ ಮಾಡುತ್ತಿದ್ದಾರೆ ಎಂದು ಅಲ್ಲಿನ ಜನರ ಕೂಗಾಗಿದೆ. ಆದರೆ ವಾಸ್ತವದಲ್ಲಿ ರಾಜ್ಯದ ಜನರ ಕುಡಿಯುವ ನೀರಿನ ಸಮಸ್ಯೆಯನ್ನು ಪರಿಹರಿಸಬೇಕು ಎಂಬುದಾಗಿದೆ. ಅಲ್ಲಿನ ಜನರ ಜೊತೆಗೆ ಬಿಜೆಪಿ ಪಕ್ಷವೂ ರಾಜಕೀಯ ಸ್ವಾರ್ಥಕ್ಕಾಗಿ ಈಗ ಕೈಜೋಡಿಸಿರುವುದು ನಿಜಕ್ಕೂ ದುಃಖದ ವಿಚಾರವಾಗಿದೆ.

ಈ ಯೋಜನೆಗೆ ಒಂದಷ್ಟು ಅರಣ್ಯ ಭೂಮಿಯ ಅಗತ್ಯತೆ ಇದೆ, ಅಲ್ಲಿರುವ ಒಂದಷ್ಟು ಮರಗಳನ್ನು ಕಡಿಯಬೇಕಾಗಬಹುದು. ಕಡಿದ ಮರಗಳ ಬದಲಾಗಿ ಬೇರೆ ಕಡೆ ಮರಗಳನ್ನು ಬೆಳೆಸಲು ಅವಕಾಶ ಮಾಡಬಹುದಾಗಿದ್ದು, ಅದೊಂದೇ ಕಾರಣಕ್ಕೆ ಇಂತಹಾ ಒಂದು ಉತ್ತಮ ಯೋಜನೆಯನ್ನು ವಿರೋಧಿಸುವುದು ಎಷ್ಟು ಸರಿ? ಎಂದು ವಿರೋಧ ಪಕ್ಷಗಳು ತಮ್ಮನ್ನು ತಾವು ಪ್ರಶ್ನಿಸಿಕೊಳ್ಳಬೇಕಾಗುತ್ತದೆ.

ಬಿಜೆಪಿ ಸರ್ಕಾರದ ಅವಧಿಯಲ್ಲಿಯೇ ಅವರೇ ರೂಪಿಸಿ, ಅವರೇ ಅನುಮೋದನೆ ಮಾಡಿ, ಅವರೇ ಅನುಷ್ಠಾನಗೊಳಿಸಿದ ಯೋಜನೆಯನ್ನು ಇಂದು ಸರ್ಕಾರ ಕೈಗೆತ್ತಿಕೊಂಡಿರುವುದೇ ವಿನಃ, ಹೊಸದಾಗಿ ಒಂದು ಯೋಜನೆಯನ್ನು ಹುಟ್ಟುಹಾಕಿ ಆ ಮೂಲಕ ರಾಜ್ಯದ ಜನರಿಗೆ ಯಾವುದೇ ರೀತಿಯ ಸಮಸ್ಯೆಯನ್ನು ಉಂಟುಮಾಡಲು ಅಲ್ಲ. ಆದರೂ ಕೂಡ ಒಂದು ಕಡೆ ಕೋಲಾರದಲ್ಲಿ ಬಿಜೆಪಿ ನೀರಿಗಾಗಿ ಪ್ರತಿಭಟನೆ ಮಾಡುವುದು, ಅದೇ ಪಕ್ಷದವರು ಮಂಗಳೂರಿನಲ್ಲಿ ಎತ್ತಿನಹೊಳೆ ಯೋಜನೆ ವಿರೋಧಿಸಿ ಹೋರಾಟವನ್ನು ಮಾಡುವುದು, ನಿಜಕ್ಕೂ ಈ ಮೂಲಕ ಬಿಜೆಪಿಯ ಇಬ್ಬಗೆಯ ನೀತಿಯು ರಾಜ್ಯದ ಜನರ ಮುಂದೆ ಅನಾವರಣಗೊಂಡಿದೆ.