ಹಿಂದುಳಿದ ವರ್ಗಗಳ ಕಲ್ಯಾಣದ ಹರಿಕಾರ ಡಿ. ದೇವರಾಜ ಅರಸ್

Dev-Urs.png

 

ಪರಿಶಿಷ್ಟ ಜಾತಿ ಮತ್ತು ಹಿಂದುಳಿದ ಪಂಗಡಗಳ ಮೂಕ ಬಾಯಿಗೆ ದನಿ ನೀಡಿದ್ದ ಮಾಜಿ ಮುಖ್ಯಮಂತ್ರಿ ಡಿ. ದೇವರಾಜ ಅರಸರು ಗ್ರಾಮೀಣಾಭಿವೃದ್ಧಿಯ ಹರಿಕಾರರು ಕೂಡ ಹೌದು. ಗ್ರಾಮೀಣ ಜನತೆಯಲ್ಲಿ ಜೀವನೋಲ್ಲಾಸ ಹೆಚ್ಚಿಸಲು ಜೀವನದುದ್ದಕ್ಕೂ ಶ್ರಮಿಸಿದರು. ತಮ್ಮ ಆಡಳಿತಾವಧಿಯಲ್ಲಿ ಭೂಸುಧಾರಣಾ ಕಾಯ್ದೆಯನ್ನು ಜಾರಿಗೆ ತರುವ ಮೂಲಕ ದೊಡ್ಡ ಮಟ್ಟದ ಕ್ರಾಂತಿಕಾರಕ ಬದಲಾವಣೆಗೆ ಕಾರಣರಾದರು.

ಹಳೆ ಮೈಸೂರು ಭಾಗದ ರಾಜಕೀಯ ಹುಲಿ ಎಂದೇ ಚರಿತ್ರೆಯಲ್ಲಿ ಗುರುತಿಸಿಕೊಂಡಿರುವ ಸಾಹುಕಾರ್ ಚೆನ್ನಯ್ಯನವರ ಒಂದೇ ಒಂದು ಮಾತಿನ ಮೇರೆಗೆ 24 ವರ್ಷ ಪ್ರಾಯದಲ್ಲೆ ರಾಜಕೀಯ ರಂಗ ಪ್ರವೇಶ ಮಾಡಿದ ದೇವರಾಜ ಅರಸರು, ರಾಜವಂಶದ ಎದುರು ಚುನಾವಣೆಯಲ್ಲಿ ಸ್ಪರ್ಧಿಸುವ ಗಂಡೆದೆ ಪ್ರದರ್ಶಿಸಿದರು. ಈ ಚುನಾವಣೆಯಲ್ಲಿ ಅರಸು ಅವರು ಶಾಸಕರಾಗಿ ಆಯ್ಕೆಯಾದರು. ಇದು ಅವರ ರಾಜಕೀಯ ಬದುಕಿನ ಆರಂಭದ ಹೆಜ್ಜೆ. ನಂತರದಲ್ಲಿ ಅವರು ರಾಜಕೀಯ ರಂಗದಲ್ಲಿ ಯಾರು ಏರದ ಎತ್ತರಕ್ಕೆ ಏರಿದರು. ಜನೋತ್ಕರ್ಷಕ್ಕಾಗಿ ಕಾನೂನು ಅಡ್ಡಿ ಬಂದಾಗ ಅದನ್ನು ಧಿಕ್ಕರಿಸಿದರು. ನಿರ್ಗತಿಕರಿಗೆ ಬೆಳಕಾದರು. ಇದು ಅವರಿಗಿದ್ದ ಜನರ ಬಗೆಗಿನ ಅಭಿಮಾನಕ್ಕೆ ಚಿಕ್ಕ ಉದಾಹರಣೆಯಷ್ಟೆ.

1969ನೇ ಇಸವಿಯಲ್ಲಿ ಕಾಂಗ್ರೆಸ್ ಪಕ್ಷ ಇಬ್ಬಾಗವಾಯಿತು. ಒಂದೆಡೆ ಇಂದಿರಾಗಾಂಧಿ ಹಾಗೂ ಇನ್ನೊಂದೆಡೆ ಎಸ್.ನಿಜಲಿಂಗಪ್ಪ ಬಣ. ಯಾರ ಗುಂಪಿಗೆ ಹೋಗಬೇಕು ಎಂಬ ಸಂದಿಗ್ಧ ಪರಿಸ್ಥಿತಿಯಲ್ಲಿ ಇವರು ಇಂದಿರಾಗಾಂಧಿ ಬಣವನ್ನು ಸೇರಿದರು. ಮುಂದೆ ಎಲ್ಲವೂ ಇತಿಹಾಸ. ದೇವರಾಜ ಅರಸುರವರು ರಾಜ್ಯದ ಏಕಮೇವಾದ್ವಿತೀಯ ನಾಯಕರಾಗಿ ವಿಜೃಂಭಿಸಿದರು. ಸಮಾಜವಾದವನ್ನು ನಿಜವಾದ ಅರ್ಥದಲ್ಲಿ ಕೃತಿಗೆ ಇಳಿಸಿದರು. ಅವರ ಆದೇಶಗಳನ್ನು ರಾಜಕಾರಣಿಗಳು, ಅಧಿಕಾರಿಗಳು ಮರುಮಾತಿಲ್ಲದೆ ಜಾರಿಗೆ ತಂದರು. ಎಲ್ಲಾ ವರ್ಗದ ಜನ ಅವರನ್ನು ಅಪ್ಪಾಜಿ ಎಂದೇ ಸಂಬೋಧಿಸತೊಡಗಿದರು.1969ನೇ ಇಸವಿಯಲ್ಲಿ ಕಾಂಗ್ರೆಸ್ ಪಕ್ಷ ಇಬ್ಬಾಗವಾಯಿತು. ಒಂದೆಡೆ ಇಂದಿರಾಗಾಂಧಿ ಹಾಗೂ ಇನ್ನೊಂದೆಡೆ ಎಸ್.ನಿಜಲಿಂಗಪ್ಪ ಬಣ. ಯಾರ ಗುಂಪಿಗೆ ಹೋಗಬೇಕು ಎಂಬ ಸಂದಿಗ್ಧ ಪರಿಸ್ಥಿತಿಯಲ್ಲಿ ಇವರು ಇಂದಿರಾಗಾಂಧಿ ಬಣವನ್ನು ಸೇರಿದರು. ಮುಂದೆ ಎಲ್ಲವೂ ಇತಿಹಾಸ. ದೇವರಾಜ ಅರಸುರವರು ರಾಜ್ಯದ ಏಕಮೇವಾದ್ವಿತೀಯ ನಾಯಕರಾಗಿ ವಿಜೃಂಭಿಸಿದರು. ಸಮಾಜವಾದವನ್ನು ನಿಜವಾದ ಅರ್ಥದಲ್ಲಿ ಕೃತಿಗೆ ಇಳಿಸಿದರು. ಅವರ ಆದೇಶಗಳನ್ನು ರಾಜಕಾರಣಿಗಳು, ಅಧಿಕಾರಿಗಳು ಮರುಮಾತಿಲ್ಲದೆ ಜಾರಿಗೆ ತಂದರು. ಎಲ್ಲಾ ವರ್ಗದ ಜನ ಅವರನ್ನು ಅಪ್ಪಾಜಿ ಎಂದೇ ಸಂಬೋಧಿಸತೊಡಗಿದರು.

1972 ರಾಜ್ಯದ ಸುವರ್ಣಯುಗ. ಇಂದಿರಾಗಾಂಧಿಯವರ ಆಶಯದಂತೆ ಅರಸುರವರು ನಾಡಿನ ಮುಖ್ಯಂತ್ರಿಯಾದರು. ಬಡವರ ಪರವಾಗಿ ಕಂಡ ಕನಸುಗಳನ್ನು ಕಾರ್ಯರೂಪಕ್ಕೆ ತರತೊಡಗಿದರು. ಸಮಯಪ್ರಜ್ಞೆ ಅವರಲ್ಲಿದ್ದ ಧೀಮಂತಶಕ್ತಿ. ಸಮಾಜಕ್ಕೆ ಅನುಕೂಲವಾಗುವಂತಹಾ ಯಾವುದೇ ಕೆಲಸವನ್ನು ಸಣ್ಣ ಅಧಿಕಾರಿ ಹೇಳಿದರೂ ಅದನ್ನು ಜಾರಿಗೆ ತರುತ್ತಿದ್ದರು. ಅಂದಿನ ಕಾಲದಲ್ಲಿ ಕಾಡನ್ನು ಜನರು ಲೂಟಿ ಮಾಡುತ್ತಿದ್ದರು, ಇದನ್ನು ರಕ್ಷಿಸಲು ಸೂಕ್ತ ಕಾನೂನು ಕೂಡ ಇರಲಿಲ್ಲ. ಅರಸರು ಆಗ ಮುಖ್ಯಮಂತ್ರಿ, ಕೆ.ಎಚ್.ಪಾಟೀಲ್ ಅರಣ್ಯ ಸಚಿವರಾಗಿದ್ದರು, ಇಬ್ಬರೂ ಸೇರಿ ಕೂಡಲೇ ವೃಕ್ಷ ಸಂರಕ್ಷಣಾ ಕಾಯ್ದೆ ಜಾರಿಗೆ ತಂದರು. ಈ ರೀತಿಯ ಕಾಯ್ದೆಯನ್ನು ದೇಶದಲ್ಲೇ ಮೊದಲ ಬಾರಿಗೆ ಜಾರಿಗೆ ತಂದ ಕೀರ್ತಿ ಅರಸರಿಗೆ ಸಲ್ಲುತ್ತದೆ. ನಂತರ ಉಳುವವನೇ ಭೂಮಿಯ ಒಡೆಯ ನೀತಿಯನ್ನು ನಿರ್ದಾಕ್ಷಿಣ್ಯವಾಗಿ ಜಾರಿಗೆ ತರುವ ಮೂಲಕ ಇವರು ಇತಿಹಾಸದ ಪುಟಗಳಲ್ಲಿ ಅಮರರಾಗಿ ಉಳಿದರು. ಜೀತದಾಳು ಪದ್ದತಿಗೆ ಮುಕ್ತಿ ನೀಡಿದ್ದು ಕೂಡ ಇವರ ದೊಡ್ಡ ಸಾಧನೆ. ಅರಸರು ಮುಖ್ಯಮಂತ್ರಿಯಾಗುವವರೆಗೂ ಇಲ್ಲಿ ಲಿಂಗಾಯಯ ಮತ್ತು ಒಕ್ಕಲಿಗರೇ ರಾಜ್ಯಸೂತ್ರದ ವಾರಸುದಾರರಾಗಿದ್ದರು, ಮಿಕ್ಕುಳಿದ ಜನರನ್ನು ರಾಜಕೀಯವಾಗಿ ಕೇಳುವವರು ದಿಕ್ಕಿರಲಿಲ್ಲ. ಎಲ್ಲಾ ಹಿಂದುಳಿದ ವರ್ಗಕ್ಕೆ ಜೀವವಾಹಿನಿಯಾದ ಅರಸರು ಎಲ್ಲರನ್ನೂ ತಮ್ಮ ತೆಕ್ಕೆಗೆ ತೆಗೆದುಕೊಂಡು ಸ್ಥಾಪಿತ ನಂಬಿಕೆಯನ್ನು ಛಿದ್ರಗೊಳಿಸಿದರು. ಎಲ್ಲಾ ಹಿಂದುಳಿದ ವರ್ಗಗಳು ವಿಧಾನಸಭೆಗೆ ಪ್ರವೇಶಿಸಲು ಮುಕ್ತ ಅವಕಾಶ ನೀಡಿದರು. ಗೇಣಿ ಶಾಸನ, ಹಿಂದುಳಿದ ವರ್ಗಗಳ ಕಲ್ಯಾಣಕ್ಕಾಗಿ ಹಾವನೂರು ಆಯೋಗದಂತಹ ಪ್ರಮುಖ ನಿರ್ಣಯಗಳನ್ನು ತೆಗೆದುಕೊಂಡ ಹಿನ್ನೆಲೆಯಲ್ಲಿ ಅದರ ಪ್ರತಿಫಲ ಇಂದಿನ ಜನತೆಗೆ ದೊರೆಯುತ್ತಿದೆ.

ದೇವರಾಜ ಅರಸರದ್ದು ವರ್ಣಮಯ ಬದುಕು. ಜೀವನದುದ್ದಕ್ಕೂ ಆನಂದವನ್ನು ಸೂರೆ ಮಾಡುತ್ತಲೇ ಅಂತಃಕರಣದ ಪ್ರತಿರೂಪವಾದ ಅತ್ಯಂತ ಅಪರೂಪದ ಮನುಷ್ಯ. ಅರಸರು ಇಂದು ಇಲ್ಲವಾದರೂ ಅವರ ತೇಜೋವಲಯ ನಮ್ಮ ಸುತ್ತಲೂ ಹರಡಿಕೊಂಡಿದೆ. ನಿಜಕ್ಕೂ ಅವರದು ಸಾರ್ಥಕ ಬದುಕು.

ಕ್ವಿಟ್ ಇಂಡಿಯಾ ಚಳವಳಿ ಮತ್ತು ಆರ್‍ಎಸ್‍ಎಸ್

RSSS

ಭಾರತ ಬಿಟ್ಟು ತೊಲಗಿ ಎಂಬ ಚಳವಳಿ 1942ರ ಆಗಸ್ಟ್ 8 ರಂದು ಮುಂಬಯಿಯ ಗೊವಾಳಿಯ ಮೈದಾನದಲ್ಲಿ ಮಹಾತ್ಮ ಗಾಂಧಿಯವರ ಮಾಡು ಇಲ್ಲವೆ ಮಡಿ ಎಂಬ ಘೋಷಣೆಯೊಂದಿಗೆ ಪ್ರಾರಂಭವಾಯಿತು. ಈ ಘೋಷಣೆಯಾಗಿ 24 ಗಂಟೆಯೊಳಗೆ ಬಹುತೇಕ ಕಾಂಗ್ರೆಸ್ ನಾಯಕರು ಬಂಧಿತರಾಗಿ, ಆ ವರ್ಷವನ್ನು ಜೈಲಿನಲ್ಲಿಯೇ ಕಳೆಯಬೇಕಾಯಿತು. ಅಂದು ಸ್ವಾತಂತ್ರ್ಯಕ್ಕಾಗಿ ಬಹುತೇಕ ಭಾರತ ಒಗ್ಗಟ್ಟಾಗಿ ಹೋರಾಟಕ್ಕಿಳಿದರೆ, ಇತ್ತ ಆರ್‍ಎಸ್‍ಎಸ್ ಸಂಘಟನೆ ಹೋರಾಟದಿಂದ ದೂರ ಉಳಿದಿತ್ತು. 14 ಜುಲೈ 1942ರಂದು ಕಾಂಗ್ರೆಸ್ ಪಕ್ಷ ಬ್ರಿಟನ್‍ನಿಂದ ಸಂಪೂರ್ಣ ಸ್ವಾತಂತ್ರ್ಯದ ಬೇಡಿಕೆಯನ್ನು ಇಟ್ಟಿತ್ತು, ಆದರೆ ಇದನ್ನು ಭಾರತೀಯ ಕಮ್ಯುನಿಸ್ಟ್ ಪಕ್ಷ ಮತ್ತು ಹಿಂದೂ ಮಹಾಸಭಾ ವಿರೋಧಿಸಿದ್ದವು. ನಂತರ ಗಾಂಧಿ ಸೇರಿದಂತೆ ಕಾಂಗ್ರೆಸ್ ರಾಷ್ಟ್ರೀಯ ನಾಯಕರನ್ನು ಬಂಧಿಸಲಾಯಿತು ಹಾಗೂ ಕಾಂಗ್ರೆಸ್ ಪಕ್ಷವನ್ನು ನಿಷೇಧಿಸಲಾಯಿತು. ಈ ಸಂದರ್ಭದಲ್ಲಿ ಹಿಂದೂ ನಾಯಕರು ಗಾಂಧೀಜಿ ಮತ್ತು ಕಾಂಗ್ರೆಸ್ ಅನ್ನು ಕಟುವಾಗಿ ಟೀಕಿಸುವ ಮೂಲಕ ರಾಜಕೀಯ ಲಾಭ ಪಡೆಯಲು ಯತ್ನಿಸಿದರು. ಆರ್‍ಎಸ್‍ಎಸ್ ಕೂಡ ಇದೇ ರೀತಿಯ ನಿಲುವು ಹೊಂದಿತ್ತು.
ಅಂದು ಆರ್‍ಎಸ್‍ಎಸ್ ಮತ್ತು ಹಿಂದೂ ಸಂಘಟನೆಯ ಕೆಲವು ಹಿರಿಯ ನಾಯಕರ ಹೇಳಿಕೆಗಳನ್ನು ಗಮನಿಸಿದರೆ ಅವರಿಗೆ ಸ್ವಾತಂತ್ರ್ಯ ಸಂಗ್ರಾಮದ ಬಗೆಗೆ ಇದ್ದ ಸ್ಪಷ್ಟ ಅಭಿಪ್ರಾಯ ದೊರೆಯುತ್ತದೆ.
1943ರಲ್ಲಿ ಬಂಗಾಳದಲ್ಲಿನ ಬರಗಾಲದ ಸಮಯದಲ್ಲಿ ದೊಡ್ಡ ಮೀನು (ಬ್ರಿಟಿಷ್) ಸಣ್ಣ ಮೀನನ್ನು (ಭಾರತವನ್ನು) ತಿಂದರೆ ಅದನ್ನು ದೂಷಿಸಲಾಗದು ಎಂದು ಗೋಲ್‍ವಾಲ್ಕರ್ ಹೇಳಿದ್ದರು.
ಬಂಗಾಳದಲ್ಲಿ ಲಕ್ಷಾಂತರ ಜನರು ಮರಣ ಹೊಂದುತ್ತಿದ್ದಾಗ ಡಾ.ಶ್ಯಾಮ್ ಪ್ರಸಾದ್ ಮುಖರ್ಜಿ (ಹಿಂದೂ ಮಹಾಸಭಾ) ಭಾರತೀಯರು ತಮ್ಮ ರಕ್ಷಣೆಗಾಗಿ ಹಾಗೂ ನಾಡಿನ ಸ್ವತಂತ್ರಕ್ಕಾಗಿ ಬ್ರಿಟೀಷರನ್ನು ನಂಬಬೇಕು ಎಂದು ಹೇಳಿದ್ದರು.
ಹೀಗೆ ಆರ್‍ಎಸ್‍ಎಸ್ ಸಂಘಟನೆ ಸ್ವಾತಂತ್ರ್ಯ ಚಳವಳಿಯಿಂದ ಹೊರಗುಳಿದಿತ್ತು ಎಂಬುದಕ್ಕಿಂತ ದೇಶಕ್ಕೆ ಸ್ವಾತಂತ್ರ್ಯ ಬೇಕು ಎಂದು ಎದ್ದಿದ್ದ ಕೂಗಿಗೆ ವಿರೋಧ ವ್ಯಕ್ತಪಡಿಸುತ್ತಿತ್ತು ಎಂಬುದು ಸೂಕ್ತ. ಆದರೆ ಈ ವಿಚಾರವನ್ನು ಈಗಿನ ಆರ್‍ಎಸ್‍ಎಸ್ ನಾಯಕರು ಒಪ್ಪುವುದಿಲ್ಲ. ಭಾರತೀಯ ಸ್ವಾತಂತ್ರ್ಯ ಚಳವಳಿಯಲ್ಲಿ ಕಾಂಗ್ರೆಸ್‍ನಷ್ಟೆ ಆರ್‍ಎಸ್‍ಎಸ್‍ನದ್ದು ಕೂಡ ಬಹುಮುಖ್ಯ ಪಾತ್ರವಿತ್ತು ಎಂಬಂತೆ ಸುಳ್ಳು ಪ್ರಚಾರ ಪಡೆಯುತ್ತಿದ್ದಾರೆ. ಆರ್‍ಎಸ್‍ಎಸ್‍ನ ಅಥವಾ ಹಿಂದೂ ಸಂಘಟನೆಗಳ ನಿರ್ಧಾರದ ಹಿಂದೆ ಬ್ರಿಟಿಷರ ಮೇಲಿನ ಭಯವೋ ಅಥವಾ ವೈಯಕ್ತಿಕ ಹಿತಾಸಕ್ತಿಯ ಕಾರಣಗಳಿರಬಹುದು ಆದರೆ ಈ ಸಂಘಟನೆಗಳ ವಿರೋಧ ಮಾತ್ರ ಸ್ವಾತಂತ್ರ್ಯ ನಂತರವೂ ಮುಂದುವರೆದಿದ್ದು ದುರಂತ. 1948 ಜನವರಿ 30ರಂದು ಮಹಾತ್ಮ ಗಾಂಧಿಯವರನ್ನು ಹಿಂದೂತ್ವ ವಿಚಾರಧಾರೆಯ ಹಿನ್ನೆಲೆಯಿಂದ ಬಂದ ನಾಯಕ ನಾಥೂರಾಮ್ ಗೂಡ್ಸೆ ಗುಂಡಿಕ್ಕಿ ಕೊಂದದ್ದು ಅವರೊಳಗಿದ್ದ ದ್ವೇಷಕ್ಕೆ ಸ್ಪಷ್ಟ ನಿದರ್ಶನ.

ಬಯಲಾಯ್ತು ಐಟಿ ರೈಡ್ ಹಿಂದಿನ ರಾಜಕೀಯ ಕುತಂತ್ರ !

DK modi sha.png

ಕರ್ನಾಟಕದ ಇಂಧನ ಸಚಿವ ಡಿ.ಕೆ.ಶಿವಕುಮಾರ್ ಅವರ ಮನೆ ಮೇಲಿನ ಐಟಿ ದಾಳಿ ಕಳೆದ ಮೂರು ದಿನದಿಂದ ರಾಷ್ಟ್ರಾದ್ಯಂತ ಕೋಲಾಹಲ ಎಬ್ಬಿಸಿದೆ. ಸುದ್ದಿವಾಹಿನಿಗಳಂತು ಬಿಸಿ ಬಿಸಿ ಸುದ್ದಿ ಎಂಬಂತೆ ಮೇಲಿಂದ ಮೇಲೆ ಕಪೋಲಕಲ್ಪಿತ ಮಾಹಿತಿಯನ್ನು ಪ್ರಸಾರ ಮಾಡಿದ್ದೇ ಮಾಡಿದ್ದು, ಅದರಲ್ಲಿ ಕೆಲವು ಸುದ್ದಿ ಮಾಧ್ಯಮಗಳು ವಾಸ್ತವ ಅಂಶಗಳೆಷ್ಟು ಎಂಬುದನ್ನು ಚಿಂತಿಸುವ ಗೋಜಿಗೆ ಹೋಗಲಿಲ್ಲ. ಸಾಮಾಜಿಕ ಜಾಲತಾಣಗಳಲ್ಲಂತೂ ಬಿಜೆಪಿ ಬೆಂಬಲಿಗರು ಹಳೆಯ ಯಾವುದೊ ಫೋಟೊಗಳನ್ನು ಜಾಲತಾಣಗಳಲ್ಲಿ ಹರಿಬಿಡುವ ಮೂಲಕ ತಮ್ಮ ಲೈಕ್ ಮತ್ತು ಶೇರ್‍ಗಳ ಬಯಕೆ ತೀರಿಸಿಕೊಳ್ಳುವ ಜೊತೆಗೆ ಸಾಕಷ್ಟು ಪ್ರಚಾರ ಪಡೆದರು ಮತ್ತು ಡಿ.ಕೆ.ಶಿವಕುಮಾರ್‍ರವರ ಬಗ್ಗೆ ಅಪಪ್ರಚಾರವನ್ನೂ ಮಾಡಿದರು. ಒಟ್ಟಿನಲ್ಲಿ ಇಂಧನ ಸಚಿವ ಡಿ.ಕೆ.ಶಿವಕುಮಾರ್‍ರವರ ಮನೆ ಮೇಲಿನ ಐಟಿ ದಾಳಿಯ ಹಿಂದಿನ ಬಿಜೆಪಿಯ ರಾಜಕೀಯ ಲೆಕ್ಕಚಾರಗಳು ಎಷ್ಟು ಯಶಸ್ಸು ಗಳಿಸಿವೆ ಅಥವಾ ಗಳಿಸಿಲ್ಲ ಎಂಬುದು ಮಾತ್ರ ಸದ್ಯದ ಪ್ರಶ್ನೆ. ಕಾರಣ ಕೇವಲ ಒಂದು ರಾಜ್ಯಸಭಾ ಸ್ಥಾನಕ್ಕಾಗಿ ಐಟಿ ದಾಳಿ ನಡೆದಿರಬಹುದೆ ಎಂಬ ಅನುಮಾನಕ್ಕೆ ಇಂಬು ನೀಡುವಂತಹ ಹಲವಾರು ಅಂಶಗಳು ದಾಳಿಯ ನಂತರದಲ್ಲಿ ಬೆಳಕಿಗೆ ಬರುತ್ತಿವೆ. ಸತತ 77 ಗಂಟೆ ದಾಖಲೆ ಪರಿಶೀಲನೆ ನಂತರ ಐಟಿ ಇಲಾಖೆಗೆ ಅಕ್ರಮ ಆಸ್ತಿ ಸಂಪಾದನೆ ಮಾಡಿರುವ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ ಎಂಬುದು ಬಿಜೆಪಿಯ ಅಪಾರ ಆಸೆಗಳಿಗೆ ತಣ್ಣೀರೆರಚಿರುವುದಂತೂ ನಿಜ.
ದಾಳಿಯ ಹಿಂದೆ ರಾಜಕೀಯ ಕುತಂತ್ರ ಇದೆ ಎಂಬುದಕ್ಕೆ ಕೆಲವು ಪೂರಕ ಅಂಶಗಳು ಇದ್ದು ಅವುಗಳಲ್ಲಿ ಮುಖ್ಯವಾಗಿ ಬೆಂಗಳೂರು ಸಮೀಪದ ಈಗಲ್‍ಟನ್ ರೆಸಾರ್ಟ್‍ನಲ್ಲಿ ತಂಗಿದ್ದ ಗುಜರಾತ್ ಶಾಸಕರ ಮೇಲೆ ಐಟಿ ದಾಳಿ ನಡೆಯುವ ಮುಂಚೆಯೆ ರಾಷ್ಟ್ರೀಯ ಆಂಗ್ಲ ಸುದ್ದಿವಾಹಿನಿಯೊಂದರ ವರದಿಗಾರ್ತಿ ಮತ್ತು ಕ್ಯಾಮರಾಮನ್ ಸಕಲ ತಯಾರಿಯೊಂದಿಗೆ ಆ ಹೋಟೆಲ್‍ನಲ್ಲಿ ವಾಸ್ತವ್ಯ ಹೂಡಿದ್ದರು ಎಂಬುದು ರೆಸಾರ್ಟ್‍ನ ಸಿಸಿ ಕ್ಯಾಮರಾದಿಂದ ಬಯಲಾಗಿದೆ. ಇನ್ನು ಐಟಿ ದಾಳಿ ಸಂದರ್ಭದಲ್ಲಿ ಸಿಆರ್‍ಪಿಎಫ್ ಬಳಕೆ ಮಾಡಿರುವ ವಿಚಾರ ಕೂಡ ದಾಳಿ ಹಿಂದೆ ಕೇಂದ್ರ ಸರ್ಕಾರದ ದುರುದ್ದೇಶ ಇರುವುದನ್ನು ಸ್ಪಷ್ಟಪಡಿಸಿದೆ. ನಿಯಮಾನುಸಾರ ದಾಳಿ ಸಂದರ್ಭದಲ್ಲಿ ಸ್ಥಳೀಯ ಪೊಲೀಸರ ನೆರವು ಪಡೆಯಬೇಕು ಆದರೆ ಐಟಿ ಅಧಿಕಾರಿಗಳು ಈ ನಿಯಮವನ್ನು ಗಾಳಿಯಲ್ಲಿ ತೂರಿ ಕೇಂದ್ರ ಮೀಸಲು ಪಡೆ ಸಿಬ್ಬಂದಿಯನ್ನು ಬಳಕೆ ಮಾಡಿಕೊಂಡಿದ್ದಾರೆ.
ಇನ್ನೊಂದು ಪ್ರಮುಖ ವಿಚಾರವೆಂದರೆ ಡಿ.ಕೆ.ಶಿವಕುಮಾರ್‍ರವರ ನಿವಾಸದಲ್ಲಿ ದೊರೆತಿದೆ ಎನ್ನಲಾದ ಹಣವನ್ನು ಬೀರುವಿನಲ್ಲಿ ಜೋಡಿಸಿದ್ದು ಯಾರು ಎಂಬುದು? ಐಟಿ ದಾಳಿಯ ಸಂದರ್ಭದಲ್ಲಿ ಡಿ.ಕೆ.ಶಿವಕುಮಾರ್‍ರವರ ಮನೆಯಲ್ಲಿ ದೊರೆತಿದೆ ಎನ್ನಲಾಗುತ್ತಿರುವ ಹಣ ಮೊದಲು ಬ್ಯಾಗಿನಲ್ಲಿತ್ತು, ಅದನ್ನು ಬೀರುವಿನಲ್ಲಿ ಸಾಲಾಗಿ ಜೋಡಿಸಿ, ನಂತರ ವಿಡಿಯೊ ಮಾಡಿ ಬಿಜೆಪಿ ಬೆಂಬಲಕ್ಕೆ ನಿಂತಿರುವ ರಾಷ್ಟ್ರೀಯ ಇಂಗ್ಲೀಷ್ ಸುದ್ದಿವಾಹಿನಿಗೆ ನೀಡಿದವರು ಯಾರು? ಐಟಿ ದಾಳಿ ವೇಳೆ ಐಟಿ ಅಧಿಕಾರಿಗಳನ್ನು ಹೊರತುಪಡಿಸಿ ಸಾರ್ವಜನಿಕರಿಗೆ ಪ್ರವೇಶ ನಿಷೇಧಿಸಲಾಗಿರುತ್ತದೆ. ಹಾಗಾಗಿ ಈ ಅಧಿಕಾರಿಗಳು ಕೂಡ ಕೇಂದ್ರದ ಮಾರ್ಗದರ್ಶನದಂತೆ ಕಾರ್ಯನಿರ್ವಹಿಸಿದ್ದಾರೆ ಎಂಬುದು ಕೇಂದ್ರದ ಬಣ್ಣ ಬಯಲಾಗಲು ಕಾರಣವಾಗಿದೆ. ಐಟಿ ದಾಳಿ ನಡೆದು ಸಂಪೂರ್ಣ ತನಿಖೆ ಮುಗಿದ ನಂತರ ಸತ್ಯಾಂಶ ಹೊರಬರುವ ಮುನ್ನವೆ ಮಾದ್ಯಮಗಳಿಗೆ ಮಾಹಿತಿ ಸೋರಿಕೆ ಮಾಡಿ, ದಾಳಿಗೆ ಒಳಗಾದವರು ದಾಳಿ ವೇಳೆ ದೊರೆತ ವಸ್ತುಗಳಿಗೆ ಸೂಕ್ತ ದಾಖಲೆ ಒದಗಿಸುವ ಪೂರ್ವದಲ್ಲೆ ಅಕ್ರಮ ಆಸ್ತಿ ಎಂದು ಮಾಧ್ಯಮಗಳೇ ನಿರ್ಧರಿಸುವಂತೆ ಮಾಡಿರುವುದು ಎಷ್ಟು ಸರಿ ಎಂದು ಜನತೆ ನಿರ್ಧರಿಸಬೇಕಿದೆ.

ಮೂರು ಬಿಟ್ಟ ಬಿಜೆಪಿಗೆ ಐಟಿ ಸಾಥ್ ಮೂರು ಬಿಟ್ಟ ಬಿಜೆಪಿಗೆ ಐಟಿ ಸಾಥ್ 

IT-raid
ರಾಜಕೀಯದಲ್ಲಿ ವಿರೋಧಿಗಳನ್ನು ಹೆದರಿಸಲು ಹಿಂದೆ ದೊಡ್ಡ ದೊಡ್ಡ ನಾಯಕರನ್ನು ತಮ್ಮ ಮನೆಗೆ ಕರೆಸುವುದು, ಸಮಾರಂಭಗಳನ್ನು ನಡೆಸಿ ತಮ್ಮ ಹಿಂದಿರುವ ಜನ ಬೆಂಬಲದ ಶಕ್ತಿ ಪ್ರದರ್ಶನ ಮಾಡುವ ಕಾಲವೊಂದಿತ್ತು. ಅಲ್ಲಿ ತಮ್ಮ ವಿರೋಧಿಗೆ ತಮ್ಮೊಡನೆ ಇರುವ ಜನ ಬಲ ಅಥವಾ ತಮ್ಮ ರಾಜಕೀಯ ಶಕ್ತಿ ಪದರ್ಶನ ಮಾಡುವ ಮೂಲಕ ಆತನನ್ನು ಸುಮ್ಮನಾಗಿಸುವುದು ಒಂದು ರೀತಿ ರಾಜಕೀಯ ನಡೆಯ ಅವಿಭಾಜ್ಯ ಅಂಗ ಎಂದು ಕರೆಯಲಾಗುತ್ತಿತ್ತು. ಈಗ ನಾಯಕತ್ವದೊಂದಿಗೆ ಕಾಲ ಮತ್ತು ಪಕ್ಷದ ಸಿದ್ದಾಂತಗಳು ಕೂಡ ಬದಲಾಗಿವೆ. ತಮ್ಮ ವಿರೋಧಿಗಳನ್ನು ಮಟ್ಟ ಹಾಕಲು ಯಾವ ಮಾರ್ಗವನ್ನು ಬೇಕಾದರೂ ಅನುಸರಿಸಲು ಬಿಜೆಪಿ ಮತ್ತದರ ಮಿತ್ರ ಪಕ್ಷಗಳು ಸಿದ್ಧವಾಗಿವೆ. ಬದಲಾವಣೆಗಾಗಿ ಕಾಯುತ್ತಾ ಕುಳಿತಿದ್ದ ದೇಶದ ಜನತೆಗೆ ಮೋದಿ ಮತ್ತವರ ಸಂಘ ಪರಿವಾರ ನಿರೀಕ್ಷೆಗೂ ಮೀರಿದ ಬದಲಾವಣೆಯ ಕೊಡುಗೆ ನೀಡಿದೆ, ಆದರೆ ಇದು ಧನಾತ್ಮಕ ಬದಲಾವಣೆ ಅಲ್ಲ ಎಂಬುದೆ ನೋವಿನ ಸಂಗತಿ. ಎಲ್ಲಕ್ಕಿಂತ ಮುಖ್ಯವಾಗಿ ಸಂವಿಧಾನಾತ್ಮಕವಾಗಿ ಅಧಿಕಾರ ಹೊಂದಿರುವ ಸ್ವತಂತ್ರ ಸಂಸ್ಥೆಯೊಂದನ್ನು ತಮ್ಮ ದುರುದ್ದೇಶ ಈಡೇರಿಕೆಗೆ ಬಳಕೆ ಮಾಡಿಕೊಳ್ಳುತ್ತಿರುವುದು ದುರಂತ. ಇದು ವಿಶ್ವದ ಅತಿ ದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರ ಎಂಬ ಕೀರ್ತಿ ಹೊಂದಿರುವ ಭಾರತದ ಸಂವಿಧಾನವನ್ನೆ ಅಣಕಿಸುವಂತಿದೆ.

ದ್ವೇಷದ ರಾಜಕಾರಣ ಎಂಬುದು ಅತ್ಯಂತ ಕೀಳು ಮಟ್ಟಕ್ಕೆ ಇಳಿದಾಗ ಮಾತ್ರ ಸಂವಿಧಾನಾತ್ಮಕವಾಗಿ ಸ್ವತಂತ್ರ ಅಧಿಕಾರ ಹೊಂದಿರುವ ಸಂಸ್ಥೆಗಳನ್ನು ಸಹಾ ಬಿಡದೆ ತಮ್ಮ ದುರುದ್ದೇಶ ಈಡೇರಿಕೆಗೆ ಬಳಕೆ ಮಾಡಿಕೊಳ್ಳಲು ಸಾಧ್ಯ. ಇಂದು ಬಿಜೆಪಿ ಮಾಡುತ್ತಿರುವುದು ಸಹಾ ಇದನ್ನೆ. ಗುಜರಾತ್‍ನಲ್ಲಿನ ಒಂದು ರಾಜ್ಯ ಸಭಾ ಸ್ಥಾನ ಪಡೆಯುವುದಕ್ಕಾಗಿ ಕಾಂಗ್ರೆಸ್ ಶಾಸಕರ ಬೆಂಬಲ ಪಡೆಯಲು ಅವರಿಗೆ ಜೀವ ಬೆದರಿಕೆ ಹಾಕುವುದು, ಹಣದ ಆಮಿಷ ಒಡ್ಡುವುದು ಮಾಡುತ್ತಾ, ಹೇಗಾದರೂ ಅಲ್ಲಿನ ರಾಜ್ಯಸಭಾ ಸ್ಥಾನವನ್ನು ಗೆಲ್ಲಲೇಬೇಕು ಎಂದು ಹಪಾಹಪಿಸುತ್ತಿದ್ದ ಬಿಜೆಪಿಯ ಷಡ್ಯಂತ್ರದ ಅರಿವಾಗಿ, ಅಲ್ಲಿನ ಶಾಸಕರು ಬೆಂಗಳೂರಿನ ಈಗಲ್‍ಟನ್ ರೆಸಾರ್ಟ್‍ನಲ್ಲಿ ಬಂದು ನೆಲೆಸಿದ್ದರು. ಅವರ ಖರ್ಚು ವೆಚ್ಚ ಮತ್ತು ವಾಸ್ತವ್ಯದ ವ್ಯವಸ್ಥೆಯನ್ನ ಭರಿಸಲು ಮುಂದೆ ಬಂದಿದ್ದು ಕರ್ನಾಟಕದ ಇಂಧನ ಸಚಿವರಾದ ಡಿ.ಕೆ.ಶಿವಕುಮಾರ್‍ರವರು. ಬಿಜೆಪಿಯಂತಹಾ ಅಧಿಕಾರಕ್ಕಾಗಿ ಯಾವ ಹೀನ ಕಾರ್ಯಕ್ಕೆ ಬೇಕಾದರೂ ಸೈ ಎನ್ನುವ ಲಜ್ಜೆಗೆಟ್ಟ ಪಕ್ಷಕ್ಕೆ ಇದೊಂದೆ ಕಾರಣ ಸಾಕಾಗಿತ್ತು. ಕೊನೆಗೂ ತಮ್ಮ ಗುರಿಗೆ ಅಡ್ಡ ಬಂದ ಡಿ.ಕೆ.ಶಿವಕುಮಾರ್‍ರವರ ಮನೆ ಮೇಲೆ ಐಟಿ ದಾಳಿ ಮಾಡಿಸಲಾಗಿದೆ. ಈ ಹಿಂದೆ ಕೂಡ ದೊಡ್ಡ ಮುಖಬೆಲೆಯ ನೋಟು ನಿಷೇಧವಾದಾಗ ಕರ್ನಾಟಕದ ಕಾಂಗ್ರೆಸ್ ನಾಯಕರನ್ನು ಗುರಿಯಾಗಿರಿಸಿ ಐಟಿ, ಇಡಿ ಇಲಾಖೆಗಳು ದಾಳಿ ಮಾಡಿದ್ದವು.ಅಂದಿನಿಂದ ಆರಂಭವಾದ ಐಟಿ ಇಲಾಖೆಗಳ ದುರ್ಬಳಕೆ ಇಂದಿನವರೆಗೂ ನಿರಂತರವಾಗಿ ನಡೆಯುತ್ತಲೇ ಇದೆ. ಮೋದಿ ಮತ್ತವರ ಶಿಷ್ಯ ಗಣ ತಮ್ಮ ಸ್ವಾರ್ಥಕ್ಕಾಗಿ ಐಟಿ ಇಲಾಖೆಯನ್ನು ಅತ್ಯಂತ ಸಮರ್ಥವಾಗಿ ಬಳಕೆ ಮಾಡಿಕೊಳ್ಳುತ್ತಿವೆ, ಆದರೆ ಇದರಿಂದ ಇಲಾಖೆಯ ಮೂಲ ಉದ್ದೇಶ ಮಾತ್ರ ಈಡೇರಿಕೆಯಾಗುತ್ತಿಲ್ಲ. ಭ್ರಷ್ಟರು ಮತ್ತು ಅಕ್ರಮಗಳಲ್ಲಿ ಭಾಗಿಯಾದವರ ವಿರುದ್ಧ ಬಳಕೆಯಾಗಬೇಕಾಗಿದ್ದ ಇಲಾಖೆ, ಪ್ರಾಮಾಣಿಕರು ಮತ್ತು ನಿಷ್ಠಾವಂತ ರಾಜಕಾರಣಿಗಳ ವಿರುದ್ಧ ಬಳಸಲ್ಪಡುತ್ತಿದೆ. ಹೀಗೆ ಆದಲ್ಲಿ ಜನರಿಗೆ ಐ.ಟಿ ಮತ್ತು ಇ.ಡಿ.ಯಂತಹ ಮಹತ್ತರ ಇಲಾಖೆಗಳ ಬಗ್ಗೆ ನಂಬಿಕೆ ಕಡಿಮೆಯಾಗಿ, ಸರ್ಕಾರಿ ಒಡೆತನದ ಬಾಡಿಗೆ ಗೂಂಡಾಗಳು ಎಂಬ ಭಾವನೆಯನ್ನು ತಳೆಯುತ್ತಾರೆ.

ಬಯಲಾಯ್ತು ಕಾವೇರಿ ವಿಚಾರದಲ್ಲಿ ಮೋದಿ ಮೌನದ ಹಿಂದಿನ ಮಸಲತ್ತು

Modi kaveri

 

ಕಳೆದ 3 ವರ್ಷಗಳಿಂದ ಕರ್ನಾಟಕವನ್ನು ಭೀಕರ ಬರ ಆವರಿಸಿರುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಒಂದು ಕಡೆ ಅನ್ನದಾತರು ಬೆಳೆದ ಬೆಳೆಗೆ ನೀರಿಲ್ಲದೆ ಕಂಗಾಲಾಗಿದ್ದರೆ, ಇನ್ನೊಂದೆಡೆ ಕುಡಿಯುವ ನೀರಿನ ವ್ಯವಸ್ಥೆ ಕಲ್ಪಿಸಲು ಸರ್ಕಾರ ಪರದಾಡುವಂತಹ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಈ ಬಗ್ಗೆ ರಾಜ್ಯ ಸರ್ಕಾರ ಸುಪ್ರೀಂ ಕೋರ್ಟ್‍ಗೆ ಹಲವು ಬಾರಿ ಮನವಿಯನ್ನು ಮಾಡಿದರೂ ಕೂಡ ಮದ್ಯಂತರ ತೀರ್ಪು ರಾಜ್ಯ ಸರ್ಕಾರ ವಿರುದ್ಧವಾಗಿಯೆ ಬಂದಿತ್ತು. ಈ ಉದ್ದೇಶಕ್ಕಾಗಿಯೇ ಮಾನವೀಯತೆ ನೆಲೆಯಲ್ಲಿ ರಾಜ್ಯಕ್ಕಾಗುತ್ತಿರುವ ಅನ್ಯಾಯವನ್ನು ತಪ್ಪಿಸುವ ಸಲುವಾಗಿ ಕೇಂದ್ರ ಸರ್ಕಾರದ ಮಧ್ಯಸ್ಥಿಕೆಯನ್ನು ಕೋರಿ ಮಾನ್ಯ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಹಲವಾರು ಬಾರಿ ಮೋದಿಯವರಿಗೆ ಮನವಿ ಮಾಡಿದರೂ ಕೂಡ ಆ ಬಗ್ಗೆ ಸೋಕಾಲ್ಡ್ ಪ್ರಧಾನ ಸೇವಕರು ಧನಾತ್ಮಕವಾಗಿ ಪ್ರತಿಕ್ರಿಯಿಸಲಿಲ್ಲ, ಕಡೆ ಪಕ್ಷ ಆ ಬಗ್ಗೆ ತುಟಿ ಬಿಚ್ಚಿ ಮಾತನ್ನು ಕೂಡ ಆಡಲಿಲ್ಲ. ಅಷ್ಟು ಸಾಲದು ಎನ್ನುವಂತೆ ಕೆಲ ದಿನಗಳ ಹಿಂದೆ ರಾಜ್ಯ ಸರ್ಕಾರ ಮೇಕೆದಾಟು ಎಂಬಲ್ಲಿ ಅಣೆಕಟ್ಟು ಕಟ್ಟುವ ಪ್ರಸ್ತಾಪವನ್ನು ಮುಂದಿಟ್ಟಿತು. ಅದಕ್ಕೆ ಕೇಂದ್ರ ಸರ್ಕಾರ ವಿರೋಧ ವ್ಯಕ್ತಪಡಿಸಿದೆ. ಇವೆಲ್ಲದರ ಹಿಂದಿನ ಉದ್ದೇಶ ಏನಿರಬಹುದು ಎಂಬ ಬಹುಕಾಲದ ಪ್ರಶ್ನೆಗೆ ಕೊನೆಗೂ ಉತ್ತರ ದೊರಕಿದೆ. ವಿರೋಧ ಪಕ್ಷ ಮುಕ್ತ ಭಾರತ ನಿರ್ಮಾಣದ ಬಹುದೊಡ್ಡ ಹೆಜ್ಜೆಯಾಗಿ ಬಿಜೆಪಿ ಪಕ್ಷ ತನ್ನ ಕದಂಬ ಬಾಹುಗಳನ್ನು ತಮಿಳುನಾಡಿಗೆ ಚಾಚುತ್ತಿದೆ. ತಮಿಳುನಾಡಿನ ಆಡಳಿತ ಪಕ್ಷ ಎಐಡಿಎಂಕೆಯ ಮೂವರು ಸಂಸದರಿಗೆ ಕೇಂದ್ರ ಸರ್ಕಾರದ ಸಚಿವ ಸ್ಥಾನ ದೊರೆಯುವುದು ಬಹುತೇಕ ಖಚಿತವಾಗಿದೆ. ಅದೇ ಉದ್ದೇಶಕ್ಕಾಗಿ ಇದುವರೆಗೂ ಮೋದಿಯಾಗಲೀ ಅಥವಾ ರಾಜ್ಯ ಬಿಜೆಪಿ ನಾಯಕರಾಗಲಿ ಕಾವೇರಿ ವಿವಾದದಲ್ಲಿ ಉಸಿರು ಬಿಟ್ಟಿಲ್ಲ ಎಂಬ ಆಘಾತಕಾರಿ ಅಂಶ ನಿಧಾನವಾಗಿ ಹೊರಜಗತ್ತಿನ ಅರಿವಿಗೆ ಬರುತ್ತಿದೆ.ಇದೀಗ ಸಚಿವ ಸಂಪುಟದಲ್ಲಿ ಕರ್ನಾಟಕದ ಬಿಜೆಪಿ ನಾಯಕರು ಕೂಡ ಸ್ಥಾನಕ್ಕಾಗಿ ಲಾಭಿಗೆ ಇಳಿದಿರುವುದು ಇನ್ನೂ ಒಂದು ಪ್ರಮುಖ ಅಂಶ. ಶೋಭಾ ಕರಂದ್ಲಾಜೆಯವರಿಗೆ ಸಚಿವ ಸ್ಥಾನ ಕೊಡಿಸುವ ಜಿದ್ದಿಗೆ ಬಿದ್ದಿರುವ ಯಡಿಯೂರಪ್ಪ, ತಾವು ಕರ್ನಾಟಕದ ಸಂಸದ ಎಂಬುದನ್ನೆ ಮರೆತು ದೆಹಲಿಯಲ್ಲಿಯೇ ವಾಸ್ತವ್ಯ ಹೂಡಿದ್ದಾರೆ. ಪ್ರತಾಪ್ ಸಿಂಹ, ನಳಿನ್ ಕುಮಾರ್ ಕಟೀಲ್ ಕೂಡ ಈ ರೇಸ್‍ನಲ್ಲಿದ್ದಾರೆ ಎಂಬ ಸುದ್ದಿ ಇದೆ. ಹೀಗಾಗಿಯೇ ಇವರು ಮೋದಿಯವರ ನಿಲುವಿಗೆ ವಿರುದ್ಧವಾಗಿ ಮಾತನಾಡದೆ ತಮ್ಮ ವಿಧೇಯತೆಯ ಪ್ರದರ್ಶನಕ್ಕೆ ನಿಂತಿರುವುದು. ಪಕ್ಷ ಮತ್ತು ಸ್ವಹಿತಾಸಕ್ತಿಗೆ ಇಲ್ಲಿನ ಬಿಜೆಪಿ ನಾಯಕರು ಮತ ನೀಡಿದ ರೈತರನ್ನು ಮರೆತಿರುವುದು ಮಾತ್ರ ದುರಂತದ ಸಂಗತಿ.

ಆರೋಪ ಹೊತ್ತ ವೆಂಕಯ್ಯನೇ ಯಾಕಯ್ಯಾ?

ಉಪರಾಷ್ಟ್ರಪತಿ ಚುನಾವಣೆಗೆ ಎನ್‍ಡಿಎ ಅಭ್ಯರ್ಥಿಯಾಗಿ ಕಣಕ್ಕಿಳಿದಿರುವ ಹಾಗೂ ಮಾಧ್ಯಮಗಳು ಈಗಾಗಲೇ ಗೆಲ್ಲುವ ಅಭ್ಯರ್ಥಿ ಎಂದು ಘೋಷಿಸಿರುವ ಮಾಜಿ ಕೇಂದ್ರ ಸಚಿವ ವೆಂಕಯ್ಯ ನಾಯ್ಡುರವರು ಭ್ರಷ್ಟಾಚಾರದ ಆರೋಪಗಳನ್ನು ಹೊತ್ತಿರುವುದು ದುರದೃಷ್ಟಕರ. ಉಪರಾಷ್ಟ್ರಪತಿಯಂತಹ ಗೌರವಯುತವಾದ ಸ್ಥಾನಕ್ಕೆ ಭ್ರಷ್ಟಾಚಾರದ ಕಳಂಕ ಹೊತ್ತವರನ್ನು ಆಯ್ಕೆ ಮಾಡುವುದು ಎಷ್ಟು ಸೂಕ್ತ? ಎಂಬುದು ಸದ್ಯದ ಪ್ರಶ್ನೆ.
ಪ್ರಧಾನಿ ಮೋದಿಯವರು ಭ್ರಷ್ಟಾಚಾರದ ಬಗ್ಗೆ ದೊಡ್ಡ ದೊಡ್ಡ ಹೇಳಿಕೆಗಳನ್ನು ನೀಡುವುದನ್ನು ಕಳೆದ ಮೂರು ವರ್ಷಗಳಿಂದ ನಾವು ನೋಡಿದ್ದೇವೆ, ಆದರೆ ಭ್ರಷ್ಟಾಚಾರದ ವಿರುದ್ಧದ ಹೋರಾಟ ಅವರ ಆಡಳಿತದಲ್ಲಿ ಎಷ್ಟಿದೆ ಎಂಬುದು ಮುಖ್ಯ. ಕೇವಲ ಭಾಷಣಗಳಿಂದ ದೇಶ ಬದಲಾಗದು, ಮಾತೊಂದು ಕಾರ್ಯರೂಪಕ್ಕೆ ಇಳಿದಾಗ ಮಾತ್ರ ಅದರಿಂದ ಬದಲಾವಣೆ ಸಾಧ್ಯ. ಈ ಸಾಲಿನಲ್ಲಿ ಏಷ್ಯಾದ ಅತ್ಯಂತ ಭ್ರಷ್ಟ ದೇಶ ಎಂಬ ಹಣೆಪಟ್ಟಿ ಹೊತ್ತ ಭಾರತದಲ್ಲಿ, ಉನ್ನತ ಹುದ್ದೆ ಅಲಂಕರಿಸುವವರು ಸಹ ಭ್ರಷ್ಟಾಚಾರದಲ್ಲಿ ತೊಡಗಿದ ಆರೋಪ ಹೊತ್ತವರೆ ಆದರೆ ದೇಶದಲ್ಲಿ ಭ್ರಷ್ಟಾಚಾರ ನಿರ್ನಾಮವಾಗುವುದಾದರೂ ಹೇಗೆ? ಎಂಬ ಪ್ರಶ್ನೆ ಉದ್ಭವಿಸುವುದು ಸಾಮಾನ್ಯ. ತಮ್ಮ ಆಯ್ಕೆ ತಪ್ಪೆಂದು ತಿಳಿದೂ ಸಹ ಭ್ರಷ್ಟಾಚಾರದ ಆರೋಪ ಹೊತ್ತವರನ್ನೆ ಆಯ್ಕೆ ಮಾಡುತ್ತಿದ್ದಾರೆ ಎಂದಾದರೆ ಬಿಜೆಪಿಯಲ್ಲಿ ನಿಷ್ಟಾವಂತ ನಾಯಕರು ಇಲ್ಲವೆ? ಎಂಬ ಸಂಶಯ ಮೂಡದೆ ಇರದು.
ವೆಂಕಯ್ಯನಾಯ್ಡುರವರ ವಿರುದ್ಧ ಕೇಳಿ ಬಂದಿರುವ ಆರೋಪಗಳಲ್ಲಿ ಪ್ರಮುಖವಾದವುಗಳ ಬಗ್ಗೆ ಸಣ್ಣ ಮಾಹಿತಿಯನ್ನು ನೋಡೋಣ.
* ವೆಂಕಯ್ಯನವರ ಪುತ್ರಿ ಸ್ವರ್ಣ ಭಾರತ ಟ್ರಸ್ಟ್‍ಗೆ ವ್ಯವಸ್ಥಾಪಕಿ ಆಗಿದ್ದಾರೆ. ತೆಲಂಗಾಣ ಸರ್ಕಾರ ರಹಸ್ಯ ಆದೇಶ ಹೊರಡಿಸಿ ಹೈದರಾಬಾದ್ ಮೆಟ್ರೋಪಾಲಿಟನ್ ಅಭಿವೃದ್ಧಿ ಪ್ರಾಧಿಕಾರದಿಂದ ರೂ.2 ಕೋಟಿ ಶುಲ್ಕ ವಿನಾಯಿತಿಯನ್ನು ಆ ಟ್ರಸ್ಟ್‍ಗೆ ಕೊಡಿಸಿದೆ. ಇಂತಹ ವಿನಾಯಿತಿ ಯಾರಿಗೂ ಇರಲಿಲ್ಲ. ವೆಂಕಯ್ಯನವರ ಪುತ್ರಿ ಟ್ರಸ್ಟಿ ಆಗಿದ್ದಾರೆ ಎಂಬ ಕಾರಣಕ್ಕೆ ಸ್ವರ್ಣ ಭಾರತಕ್ಕೆ ತೆಲಂಗಾಣ ಸರ್ಕಾರ ವಿನಾಯಿತಿ ನೀಡಿದೆ ಎಂಬ ಆರೋಪಗಳು ಕೇಳಿಬಂದಿತ್ತು.
* ವೆಂಕಯ್ಯನವರ ಪುತ್ರ ವಾಹನಗಳ ಡೀಲರ್ ಆಗಿದ್ದು, ಅವರ ಕಂಪೆನಿಯಿಂದಲೇ ಪೊಲೀಸ್ ಪಡೆಗೆ ವಾಹನ ಖರೀದಿಸಬೇಕು ಎಂದು ತೆಲಂಗಾಣ ಸರ್ಕಾರ 2014ರಲ್ಲಿ ಆದೇಶಿಸಿತ್ತು. ಟೆಂಡರ್ ಕೂಡ ಕರೆದಿರಲಿಲ್ಲ ಎಂದು ಆರೋಪಿಸಲಾಗಿದೆ.
* ವೆಂಕಯ್ಯನವರು ಕುಶಭಾವು ಠಾಕ್ರೆ ಸ್ಮಾರಕಕ್ಕೆ ಅಧ್ಯಕ್ಷರಾಗಿದ್ದರು. ಆ ಸಂಸ್ಥೆಗೆ ಮಧ್ಯಪ್ರದೇಶ ಸರ್ಕಾರ 2004ರಲ್ಲಿ 20 ಎಕರೆ ಜಮೀನು ಮಂಜೂರು ಮಾಡಿತ್ತು. ಆದರೆ 2007ರಲ್ಲಿ ಲೀಸ್ ಡೀಡ್ ಆಗಿದೆ. ರೂ.25 ಲಕ್ಷ ಪ್ರೀಮಿಯಂ ಕೊಟ್ಟು ವಾರ್ಷಿಕ ರೂ.1 ಕ್ಕೆ ಬಾಡಿಗೆಗೆ ಪಡೆಯಲಾಗಿದೆ ಎಂಬ ಆರೋಪವಿದೆ.
* ವೆಂಕಯ್ಯ ನಾಯ್ಡುರವರು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರಾಗಿದ್ದಾಗ ಆಂದ್ರ ಪ್ರದೇಶದಲ್ಲಿ ಬಡವರು ಹಾಗೂ ನಿರ್ಗತಿಕರಿಗೆ ಮೀಸಲಾಗಿದ್ದ 4.95 ಎಕರೆ ಜಮೀನನ್ನು ಕಬಳಿಸಿದ್ದರು. ಭಾರೀ ಟೀಕೆಗಳು ವ್ಯಕ್ತವಾದ ಬಳಿಕ ಮುಜುಗರಕ್ಕೆ ಒಳಗಾಗಿ 2002ರ ಆ.17ರಂದು ಆ ಜಾಗ ಮರಳಿಸಿದ್ದರು ಎಂಬ ಬಗ್ಗೆ ಮಾತುಗಳು ಕೇಳಿಬರುತ್ತಿವೆ.
ಹೀಗೆ ಒಂದಲ್ಲ, ಎರಡಲ್ಲ ಹಲವಾರು ಭ್ರಷ್ಟಾಚಾರದ ಆರೋಪ ಎದುರಿಸುತ್ತಿರುವ ನಾಯಕನನ್ನು ಉಪರಾಷ್ಟ್ರಪತಿ ಸ್ಥಾನಕ್ಕೆ ತಮ್ಮ ಅಭ್ಯರ್ಥಿ ಎಂದು ಘೋಷಣೆ ಮಾಡಿರುವುದರಿಂದ ಜನತೆಗೆ ಸರ್ಕಾರ ನೀಡುತ್ತಿರುವ ಸಂದೇಶವಾದರೂ ಏನು? ಇಷ್ಟು ಚಿಕ್ಕ ಬದಲಾವಣೆ ಮಾಡಲಾಗದ ಪಕ್ಷದಿಂದ ದೇಶದಲ್ಲಿ ಬದಲಾವಣೆ ನಿರೀಕ್ಷೆಯನ್ನು ಇಟ್ಟುಕೊಳ್ಳಬಹುದೇ? Venkayya naidu

When Modi’s vision of Skill development is for only media hype!

Social and economic progress is what any country strive to achieve. Skills and knowledge are most essential secondary drives, after health and food, to improve the economic standards of people and help people to adjust to the dynamic changes in the employment industry due to waves of global influence.

Countries around the globe are trying their best to strategize their skill development initiatives to ensure that the people are able to address their critical issue of unemployment. This is even more in case of India as it will have world’s largest workforce in the world by 2020 looking for employment.

Effective policy intervention could, ideally, provide the country’s youth with the choices necessary to move towards a better life. Recognising the challenge, the central government launched the Skill India initiative in 2015 under the Ministry of Skill Development and Entrepreneurship (MSDE) with an aim to train over 40 crore people by 2022. To put this in perspective, less than 5 per cent of the country’s total workforce has had skill training as of the beginning of this year.

Let’s take a look at how the government’s flagship scheme is faring.

The MSDE’s 2016-17 annual report reveals that by December 2016, only 18.52 per cent (463,221 of 1,250,000 people) of the target demographic had been trained by the ministry in the 2016-17 fiscal and 814,000 people of a target of 1,375,000 people (59.20 per cent) received entrepreneurship training.

With close to 50 skill development schemes coordinated between 20 departments across ministries, the creation of a nodal ministry to overlook progress was a step in the right direction, but the picture still remains bleaker than one would imagine. By March 2017, the MSDE had spent only 41.79 per cent of its budget (revised estimates) for the entire financial year of 2016-17.

Problems in skilling haven’t been restricted to the previous fiscal alone. In 2015-16, the Pradhan Mantri Kaushal Vikas Yojana (PMKVY) had a target of training 14 lakh youth in the country apart from 10 lakh beneficiaries under the ‘recognition of prior learning’ category. By March 2016, 17.89 lakh youth had been enrolled across the country, of which 11.87 lakh had completed training and only 55,712 youth had been placed in a company.

The situation in North Eastern states, Daman and Diu, Andaman and Nicobar Islands was more dire where, of 44,798 candidates in March 2016, only 1,367 candidates had been placed.Modi's Skill Development Programmes

ನಾಡ ವಿರೋಧಿ ಬಿಜೆಪಿ

Nada virodi BJP

ನಮ್ಮ ರಾಜ್ಯದ ವಿರೋಧ ಪಕ್ಷ ಬಿಜೆಪಿ ಕನ್ನಡ ನಾಡಿನ ಸಂಸ್ಕøತಿ ಮತ್ತು ಪರಂಪರೆಯನ್ನು ಹಾಗೂ ಈ ಮಣ್ಣಿನ ಋಣವನ್ನು ಮರೆತಂತೆ ವರ್ತಿಸುತ್ತಿದೆ. ಬಿಜೆಪಿ ನಾಯಕರ ಮನಸ್ಥಿತಿ ಎಂಥದ್ದು ಎಂದರೆ ಅವರು ಕೇವಲ ತಮ್ಮ ಹೈಕಮಾಂಡ್‍ನ ಓಲೈಕೆಗೆ ಮಾತ್ರ ಇದ್ದೇವೆ ಎಂಬಂತಿದೆ. ಈ ರೀತಿಯ ಅನುಮಾನಗಳು ಮೂಡಲು ಕಾರಣ ಹಲವಾರು. ಅದು ಕಾವೇರಿ ನೀರು ಹಂಚಿಕೆಯಾಗಿರಬಹುದು, ಬರ ಪರಿಹಾರದ ವಿಚಾರದಲ್ಲಿ ಮವನವಾಗಿರಬಹುದು, ರಾಷ್ಟ್ರೀಕೃತ ಬ್ಯಾಂಕುಗಳಲ್ಲಿನ ರೈತರ ಸಾಲ ಮನ್ನಾದ ಬಗ್ಗೆ ಮೌನವಾಗಿರಬಹುದು ಹೀಗೆ ಹೇಳುತ್ತಾ ಹೋದರೆ ಅದು ಮುಗಿಯದ ಅಧ್ಯಾಯವೇ ಸರಿ. ಈಗ ಕಳೆದ ಒಂದು ದಿನದಲ್ಲಿ ನಡೆದ 2 ಘಟನೆಗಳನ್ನು ಮಾತ್ರ ಗಮನಿಸೋಣ.

ಮೊದಲನೆಯದು, ಕರ್ನಾಟಕಕ್ಕೆ ನಾಡಧ್ವಜ ಬೇಕು ಎಂಬ ವಿಚಾರವನ್ನು ರಾಜ್ಯ ಸರ್ಕಾರ ಪ್ರಸ್ತಾಪಿಸಿದರೆ, ರಾಜ್ಯ ಬಿಜೆಪಿ ನಾಯಕರು ಅದನ್ನು ವಿರೋಧಿಸುತ್ತಿರುವುದು. ಹಾಗಾದರೆ ರಾಜ್ಯವೊಂದು ತನ್ನದೇ ಆದ ನಾಡಗೀತೆಯನ್ನು ಹೊಂದಿದೆ ಎಂದಾದರೆ, ತನ್ನದೇ ಆದ ನಾಡಧ್ವಜವನ್ನೇಕೆ ಹೊಂದಬಾರದು. ನಾಡಧ್ವಜ ಎಂಬುದು ನಾಡಿನ ಹೆಗ್ಗುರುತು ಎಂದಾದರೆ ಅದನ್ನು ಹೊಂದುವುದರಿಂದ ಏನು ತಪ್ಪು? ಕನ್ನಡ ನಾಡು ಪ್ರತ್ಯೇಕ ಧ್ವಜ ಪಡೆಯುವುದಕ್ಕೂ, ರಾಷ್ಟ್ರದ ಏಕತೆಗೆ ಧಕ್ಕೆಯಾಗುವುದಕ್ಕೂ ಏನು ಸಂಬಂಧ? ನಾಡು ತನ್ನದೇ ಆದ ಗುರುತನ್ನು ಪಡೆಯಲು ಮುಂದಾದಾಗ ಅದನ್ನು ಬೆಂಬಲಿಸುವ ಕನಿಷ್ಟ ಸೌಜನ್ಯವನ್ನು ಕೂಡ ನಾಡಿನಿಂದ ಆಯ್ಕೆಯಾದ ಬಿಜೆಪಿ ಸಂಸದರು ತೋರುವ ಬದಲು ರಾಜಕೀಯ ದೃಷ್ಟಿಯಿಂದ ಸರ್ಕಾರ ನಡೆಯನ್ನು ವಿರೋಧಿಸುತ್ತಾರೆ ಎಂದಾದರೆ, ಕೋಮುಗಲಭೆಯ ಸಂದರ್ಭದಲ್ಲಿ ತೋರಿದ ಶೌರ್ಯ, ಭಾವೋದ್ವೇಗದ ಮಾತುಗಳು ಈಗೆಲ್ಲಿ ಹೋದವು ಎಂಬುದು ನಮ್ಮ ಪ್ರಶ್ನೆಯಾಗಿದೆ.

ಎರಡನೆಯದು, ಮಹದಾಯಿ ವಿವಾದಕ್ಕೆ ಸಂಬಂಧಪಟ್ಟಂತೆ ರಾಜ್ಯ ಸರ್ಕಾರ ಗೋವಾ ಸರ್ಕಾರಕ್ಕೆ ಮನವಿಯೊಂದನ್ನು ಮಾಡಿತ್ತು, ಅದರ ಪ್ರಕಾರ ಸಮಸ್ಯೆಯನ್ನು ನ್ಯಾಯಾಲಯದ ಹೊರಗೆ ಮಾತುಕತೆಯ ಮೂಲಕ ಬಗೆಹರಿಸಿಕೊಳ್ಳುವ ಇಂಗಿತವನ್ನು ವ್ಯಕ್ತಪಡಿಸಿತ್ತು, ಅದಕ್ಕೆ ಸಂಬಂಧಪಟ್ಟಂತೆ ಉತ್ತರಿಸಿರುವ ಗೋವಾದ ಬಿಜೆಪಿ ಸರ್ಕಾರದ ನೀರಾವರಿ ಸಚಿವ ವಿನೋದ್ ಪಾಲೇಕರ್ ಕರ್ನಾಟಕದ ಈ ಮನವಿಯನ್ನು ‘ಡರ್ಟಿ ಟ್ರಿಕ್ಸ್’ ಎಂದು ಅವಹೇಳನ ಮಾಡಿದ್ದಾರೆ. ಇದಕ್ಕೆ ಸಂಬಂಧಪಟ್ಟಂತೆ ಒಬ್ಬ ರಾಜ್ಯ ಬಿಜೆಪಿ ನಾಯಕರು ಇದರ ಬಗ್ಗೆ ಮಾತನಾಡಿಲ್ಲ, ‘ಮಹದಾಯಿ ಸರ್ಕಾರದ ಸಮಸ್ಯೆಯಲ್ಲ, ನಾಡಿನ ರೈತರ ಸಮಸ್ಯೆ’ ಇಂತಹ ಸನ್ನಿವೇಶದಲ್ಲಿಯೂ ಇವರು ಹೈಕಮಾಂಡ್‍ಗೆ ಹಾಗೂ ಪಕ್ಷಕ್ಕೆ ವಿಧೇಯತೆ ತೋರಿಸುತ್ತಾ ಸುಮ್ಮನಾಗುತ್ತಾರೆ ಎಂದಾದರೆ ಇವರಿಗೆ ಮತ ನೀಡಿದ ಜನರ ಕಷ್ಟಕ್ಕೆ ಸ್ಪಂದಿಸುವವರು ಯಾರು? ಸಂಸತ್ತಿನಲ್ಲಿ ನಾಡಿನ ದನಿಯಾಗಲಿ ಎಂದು ಆರಿಸಿ ಕಳುಹಿಸಿದ ಜನರನ್ನು ಮರೆತು ಸ್ವಾರ್ಥ ಸಾಧನೆಗೆ ಈ ನಾಯಕರು ಮುಂದಾದರೆ, ಕೇಂದ್ರದಿಂದ ರಾಜ್ಯಕ್ಕೆ ಇನ್ನಷ್ಟು ಅನ್ಯಾಯವಾಗುವುದು ಖಚಿತ.

ಇನ್ನಾದರೂ ರಾಜ್ಯ ಬಿಜೆಪಿ ನಾಯಕರು ತಮ್ಮ ರಾಜಕೀಯ ಸ್ವಾರ್ಥವನ್ನು ಬದಿಗೊತ್ತಿ ನಾಡು-ನುಡಿಯ ವಿಚಾರಕ್ಕೆ ಸ್ಪಂದಿಸುವುದನ್ನು ಕಲಿಯಲಿ. ಆರಿಸಿ ಕಳುಹಿಸಿದ ಜನರ ಕಷ್ಟಕ್ಕೆ ಮೌನ ತೋರಿದರೆ ಮುಂದಿನ ಚುನಾವಣೆಗಳಲ್ಲಿ ಜನತೆ ತಕ್ಕ ಉತ್ತರ ನೀಡಲಿದ್ದಾರೆ.

ಇದು ನಿಮಗೆ ‘ಶೋಭಾ’ಯಮಾನವಲ್ಲ

Shobayamanavala

ಒಂದು ಕಡೆ ಜವಾಬ್ದಾರಿಯುತ ಸ್ಥಾನದಲ್ಲಿರುವ ಸಂಸದರಾದ ನಳಿನ್ ಕುಮಾರ್ ಕಟೀಲ್ ಮಾತನಾಡಿದರೆ ದಕ್ಷಿಣ ಕನ್ನಡ ಜಿಲ್ಲೆಗೆ ಬೆಂಕಿ ಹಚ್ಚುತ್ತೇನೆ ಎಂದು ಹೇಳುತ್ತಾರೆ, ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ಇಡೀ ರಾಜ್ಯಕ್ಕೆ ಬೆಂಕಿ ಹಚ್ಚುತ್ತೇನೆ ಎಂದು ಬೊಬ್ಬೆ ಹಾಕುತ್ತಾರೆ. ಉಡುಪಿ ಸಂಸದೆ ಶೋಭಾ ಕರಂದ್ಲಾಜೆ ‘ಜನರೇನು ಷಂಡರೇ’ ಎಂಬ ಕೀಳು ಭಾಷೆಯನ್ನು ಬಳಕೆ ಮಾಡುತ್ತಾರೆ, ಇದು ಬಿಜೆಪಿ ನಾಯಕರ ಸಂಸ್ಕøತಿ. ಗಲಭೆಗಳ ಸೃಷ್ಟಿ ಮತ್ತು ತಮ್ಮ ಅನುಕೂಲಕ್ಕೆ ತಕ್ಕಂತೆ ಪರಿಸ್ಥಿತಿಯ ಬಳಕೆಯ ಕಲೆಯಲ್ಲಿ ಬಿಜೆಪಿ ಸಿದ್ಧಹಸ್ತವಾದುದ್ದು. ತಾವು ಹಚ್ಚಿದ ಕೋಮು ದಳ್ಳೂರಿಗೆ ರಾಜ್ಯ ಸರ್ಕಾರವನ್ನು ತಳ್ಳುವ ಬಿಜೆಪಿ ಕುತಂತ್ರವೊಂದು ಬಯಲಾಗಿ, ತೀವ್ರ ಮುಖಭಂಗಕ್ಕೆ ಕಾರಣವಾಗಿದೆ. ರಾಜ್ಯದಲ್ಲಿ ನಿರಂತರವಾಗಿ ಹಿಂದೂಗಳ ಮಾರಣ ಹೋಮ ನಡೆಯುತ್ತಿದೆ ಎಂದು ಅಪಪ್ರಚಾರ ಮಾಡಲು ಹೆಣೆದ ಷಡ್ಯಂತ್ರದ ಭಾಗವಾಗಿ, ಕೇಂದ್ರ ಸರ್ಕಾರಕ್ಕೆ ಸಂಸದೆ ಶೋಭಾ ಕರಂದ್ಲಾಜೆಯವರು ಬರೆದ ಪತ್ರದಲ್ಲಿ ಬದುಕಿರುವವರು ಹಾಗೂ ವೈಯಕ್ತಿಕ ಕಾರಣಗಳಿಗೆ ಹತ್ಯೆಯಾದವರನ್ನು ಧರ್ಮದ ಹೆಸರಿನಲ್ಲಿ ನಡೆದ ಕೊಲೆಗಳು ಎಂದು ಬಿಂಬಿಸಲಾಗಿದೆ.

ಆ ಪತ್ರದಲ್ಲಿರುವ ಕೆಲವರ ಹೆಸರು ಮತ್ತು ಅವರ ಸಾವಿಗೆ ನಿಜ ಕಾರಣವನ್ನು ನೋಡೋಣ.

1. ಅಶೋಕ್ ಪೂಜಾರಿ: ಇವರ ಮೇಲೆ ಸೆ.20, 2015ರಂದು ಮುಸುಕುಧಾರಿಗಳಿಂದ ಹಲ್ಲೆಯಾಗಿದ್ದು, ಹತ್ಯೆ ಆಗಿದೆ ಎಂದು ಸುಳ್ಳು ಸೃಷ್ಟಿಸಲಾಗಿದೆ.
ವಿಜಯ ಕರ್ನಾಟಕ 21-09-2015

2. ವಾಮನ ಪೂಜಾರಿ: ಇವರು 15-10-2015ರಂದು ತಮ್ಮ ಮಗಳ ಮನೆಯ ಶೆಡ್ಡಿನಲ್ಲಿ ಆತ್ಯಹತ್ಯೆ ಮಾಡಿಕೊಂಡಿದ್ದು, ಕೊಲೆ ಮಾಡಲಾಗಿದೆ ಎಂದು ಸುಳ್ಳು ಮಾಹಿತಿ ನೀಡಲಾಗಿದೆ.

3. ರಾಜು ಮಡಿಕೇರಿ: ನವೆಂಬರ್ 10, 2015ರಂದು ಮಡಿಕೇರಿಯಲ್ಲಿ ನಡೆದ ಟಿಪ್ಪು ಜಯಂತಿ ಕಾರ್ಯಕ್ರಮದಲ್ಲಿ ಉಂಟಾದ ಗಲಭೆಯ ವೇಳೆ ಲಾಠಿಚಾರ್ಜ್ ಸಂದರ್ಭದಲ್ಲಿ ಆಸ್ಪತ್ರೆಯ ಛಾವಣಿಯಿಂದ ಕಾಲು ಜಾರಿ ಇದ್ದು ಸಾವು.

4. ವೆಂಕಟೇಶ್: 19-02-2015ರಂದು ವೆಂಕಟೇಶ್ ಎಂಬುವನ ಹತ್ಯೆಯಾದ ಬಗ್ಗೆ ಪ್ರಸ್ತಾಪಿಸಲಾಗಿದೆ. ಆದರೆ ಶಿವಮೊಗ್ಗದಲ್ಲಿ ಆ ದಿನಾಂಕದಂದು ವೆಂಕಟೇಶ್ ಎಂಬ ಹೆಸರಿನ ವ್ಯಕ್ತಿಯ ಕೊಲೆಯಾದ ಮಾಹಿತಿಯಿಲ್ಲ. ಮಂಜುನಾಥ್ ಎಂಬುವರ ಹತ್ಯೆಯಾಗಿದ್ದು, ಅದು ಕೌಟುಂಬಿಕ ಕಾರಣಕ್ಕಾಗಿ ನಡೆದಿದೆ.

5. ಕಾರ್ತಿಕ್ ರಾಜ್: 22-10-2016ರಂದು ಕಾರ್ತಿಕ್ ರಾಜ್ ಕೊಲೆಯ ಪ್ರಮುಖ ಆರೋಪಿ ಸ್ವತಃ ಸಹೋದರಿಯಾಗಿದ್ದು, ಈ ಕೊಲೆ ನಡೆದ ಸಂದರ್ಭದಲ್ಲಿ ಜಿಲ್ಲೆಗೆ ಬೆಂಕಿ ಇಡುತ್ತೇವೆ ಎಂದು ಹೇಳಿದ ಸಂಸದರು ನಂತರದಲ್ಲಿ ತೀವ್ರ ಮುಖಭಂಗಕ್ಕೀಡಾದರು.

6. ಮಾಗಳಿ ರವಿ: ಪಿರಿಯಾ ಪಟ್ಟಣ ಬಿಜೆಪಿ ಯುವ ಮೋರ್ಚಾದ ಉಪಾಧ್ಯಕ್ಷ ಮಾಗಳಿ ರವಿ ಕಂಠಪೂರ್ತಿ ಕುಡಿದು ಅವಘಾತದಲ್ಲಿ ಜೀವ ಕಳೆದುಕೊಂಡಿದ್ದರು. ಮೈಸೂರಿನಲ್ಲಿ ಕೋಲಾಹಲ ಸೃಷ್ಟಿಸಿದ್ದ ಸಂಘ ಪರಿವಾರ ಕೊನೆಗೆ ಮುಜುಗರಕ್ಕೀಡಾಗಿತ್ತು.

7. ಹರೀಶ್ ಆನೆಕಲ್: ಬಿಜೆಪಿ ಎಸ್‍ಸಿ/ಎಸ್‍ಟಿ ಯುವ ಮೋರ್ಚಾದ ಆನೆಕಲ್ ತಾಲ್ಲೂಕು ಮುಖಂಡ ಹರೀಶ್ ಆನೆಕಲ್‍ನಲ್ಲಿ ಟೆಂಡರ್ ಹಾಕುವ ವಿಚಾರದಲ್ಲಿನ ಭಿನ್ನಾಭಿಪ್ರಾಯದಿಂದ ಕುಟುಂಬ ಸದಸ್ಯರಿಂದಲೇ ಕೊಲೆಗೀಡಾಗಿದ್ದವರು.

ಹೀಗೆ ಇನ್ನು ಬದುಕಿರುವ, ಬೇರೆ ಕಾರಣಗಳಿಂದ ಹತ್ಯೆಗೆ ಈಡಾದ ಮತ್ತು ಆತ್ಮಹತ್ಯೆ ಮಾಡಿಕೊಂಡಿರುವವರ ಸಾವಿಗೆ ಕೋಮು ಗಲಭೆ ಮತ್ತು ಹಿಂದೂ ನರಮೇಧದ ಬಣ್ಣ ಬಳಿದು, ಜನರನ್ನು ಧರ್ಮದ ನೆಲೆಗಟ್ಟಿನ ಮೆಲೆ ಇಬ್ಬಾಗ ಮಾಡಿ ಆ ಮೂಲಕ ಮತ ಗಳಿಸುವ ಬಿಜೆಪಿಯ ಷಡ್ಯಂತ್ರಕ್ಕೆ ಅಮಾಯಕ ಜನರು ಬಲಿಯಾಗುತ್ತಿರುವುದು ದುರಂತದ ವಿಚಾರ. ಇಂತಹ ಕೋಮುವಾದಿಗಳನ್ನು ಜನರು ಅಧಿಕಾರದಿಂದ ದೂರವಿಡದ ಹೊರತು ಸಮಾಜದಲ್ಲಿ ಶಾಂತಿ ನೆಲೆಸಲು ಸಾಧ್ಯವಿಲ್ಲ. ಕರಾವಳಿ ಜನರು ಪರೀಕ್ಷೆಗಳಲ್ಲಿ ಉತ್ತಮ ಅಂಕ ಪಡೆದು ರಾಜ್ಯಕ್ಕೆ ಮೊದಲ ಸ್ಥಾನ ಪಡೆದರೆ ಸಾಲದು, ಚುನಾವಣೆಗಳಲ್ಲೂ ಕೂಡ ಬುದ್ದಿವಂತಿಕೆಯಿಮದ ಮತ ಚಲಾವಣೆ ಮಾಡಬೇಕಾದ ಅಗತ್ಯವಿದೆ, ಇಲ್ಲದಿದ್ದರೆ ಶೋಭಾ ಕರಂದ್ಲಾಜೆ, ನಳೀನ್ ಕುಮಾರ್ ಕಟೀಲ್‍ರಂತಹ ಹಿಂಸೆಗೆ ಪ್ರಚೋದನೆ ನೀಡುವವರು ಆಯ್ಕೆಯಾಗುತ್ತಾರೆ.

ರಾಜಕೀಯ ಉದ್ದೇಶಗಳ ಈಡೇರಿಕೆಗೆ ಗಲಭೆಯ ತಂತ್ರ

Mangalore-riot
ಕರ್ನಾಟಕದಲ್ಲಿ ವಿಧಾನಸಭಾ ಚುನಾವಣೆಗಳು ಹತ್ತಿರವಾಗುತ್ತಿದ್ದಂತೆ ರಾಜ್ಯದಲ್ಲಿ ಕೋಮು ಗಲಭೆಗಳು ಮತ್ತು ಧರ್ಮದ ಹಿನ್ನೆಲೆಯ ಹಲ್ಲೆಗಳು ನಾಯಿಕೊಡೆಗಳಂತೆ ಹುಟ್ಟಿಕೊಳ್ಳಲು ಆರಂಬವಾಗಿವೆ. ಜನ ಇದನ್ನು ಅನ್ಯ ಕೋಮುಗಳ ನಡುವಿನ ಹಳೆಯ ವೈಷಮ್ಯದ ಹಿನ್ನೆಲೆಯಲ್ಲಿ ನಡೆಯುತ್ತಿರುವ ಗಲಭೆ ಎಂಬ ದೃಷ್ಟಿಯಲ್ಲಿ ನೋಡುವುದು ಸಹಜ. ಹೆಚ್ಚಿನವರಿಗೆ ಇದರ ಹಿಂದೆ ರಾಜಕೀಯ ಉದ್ದೇಶಗಳ ಈಡೇರಿಕೆಯ ಕುತಂತ್ರ ಇರುವುದು ಅಷ್ಟು ಸುಲಭದಲ್ಲಿ ಅರಿವಾಗಲಾರದು. ಹಲವು ವರ್ಷಗಳಿಂದ ಶಾಂತವಾಗಿದ್ದ ದಕ್ಷಿಣ ಕನ್ನಡ ಒಮ್ಮೆಲೆ ಹತ್ತಿ ಉರಿಯುವುದಕ್ಕೆ ಪ್ರಾರಂಭಿಸಿದೆ, ಗಲಭೆಯಲ್ಲಿ ನಿರತವಾಗಿದ್ದ ಎರಡೂ ಕೋಮಿನ ತಲಾ ಒಂದೊಂದು ಅಮಾಯಕ ಜೀವಗಳು ಬಲಿಯಾಗಿವೆ. ಸದ್ಯ ಪರಿಸ್ಥಿತಿ ತಿಳಿಗೊಂಡಿದೆ, ಹಾಗೆಂದು ಇಲ್ಲಿಗೆ ಮುಗೀತು ಎಂದು ಪೊಲೀಸ್ ಇಲಾಖೆಯೇನಾದರೂ ಸ್ವಲ್ಪ ಗಮನ ಬೇರೆಡೆಗೆ ಹರಿಸಿದರೂ ಮತ್ತೊಂದು ಸುತ್ತಿನ ಗಲಭೆಯೆಬ್ಬಿಸಲು ನರಹಂತಕರು ಕೈಯಲ್ಲಿ ಕತ್ತಿ ಹಿಡಿದು ಹವಣಿಸುತ್ತಿದ್ದಾರೆ. ಹಾಗಾದರೆ ಗಲಭೆ ಸೃಷ್ಟಿಯ ಹಿಂದಿನ ನಿಜವಾದ ಕಾರಣ ಏನು? ಮುಂಬರುವ ಕರ್ನಾಟಕ ವಿಧಾನಸಭಾ ಚುನಾವಣೆಗೂ, ದಕ್ಷಿಣ ಕನ್ನಡ ಜಿಲ್ಲೆಯ ಗಲಭೆಗೂ ಸಂಬಂಧವಿದೆಯೇ ಎಂದು ಒಮ್ಮೆ ಅತ್ತ ನಮ್ಮ ಯೋಚನೆಯನ್ನು ಹೊರಳಿಸಿದರೆ ತಕ್ಷಣಕ್ಕೆ ನಮ್ಮ ಕಣ್ಣ ಮುಂದೆ ಬರುವುದು ಉತ್ತರ ಪ್ರದೇಶದ ಉಪಚುನಾವಣಾ ಪೂರ್ವ ಗಲಭೆಗಳು ಹಾಗೂ ಅಮಿತ್ ಷಾರ ರಣತಂತ್ರ. ಹೌದು ಉತ್ತರ ಪ್ರದೇಶ ವರ್ಷದ ಹಿಂದೆ ಕೋಮು ದಳ್ಳೂರಿಯಲ್ಲಿ ಹೊತ್ತಿ ಉರಿದಿತ್ತು. ನಿಜಕ್ಕೂ ಅದೊಂದು ಭೀಕರ ಸಮಯ.

ಕಳೆದ ವರ್ಷ ಆಗಸ್ಟ್ 05ರಂದು ಇಂಡಿಯನ್ ಎಕ್ಸ್‍ಪ್ರೆಸ್ (ಇಂಟರ್ನೆಟ್) ಆವೃತ್ತಿಯಲ್ಲಿ ಪ್ರಕಟವಾದ ತನಿಖಾ ವರದಿಯಲ್ಲಿ ಪ್ರಸ್ತಾಪಿಸಿರುವ ಘಟನೆಯೊಂದರ ವಿವರ ಇಂತಿದೆ. ಉತ್ತರ ಪ್ರದೇಶದ ಬಿಜ್ನೋರ್-ಹರಿದ್ವಾರ ಹೆದ್ದಾರಿಯಲ್ಲೊಂದು ಮಂದಿರ, ಅಲ್ಲಿಂದ ಹತ್ತು ಮೀಟರ್‍ಗಳ ದೂರದಲ್ಲಿ ಒಂದು ಗೆಟ್ ನಿರ್ಮಿಸುತ್ತಿದ್ದರು. ಅದು ಮಸೀದಿಯ ಮಿನಾರ್ ರೂಪ ಪಡೆಯುತ್ತಿದೆ ಎಂದು ಜಿಲ್ಲಾಡಳಿತಕ್ಕೆ ದೂರು ಹೋಯಿತು. ಗೆಟ್ ಕೆಲಸ ನಿಲ್ಲಿಸಲಾಯಿತು. ಈ ಘಟನೆ ಕುರಿತು ಅಲ್ಲೆ ಸಮೀಪದಲ್ಲಿದ್ದ ಅಂಗಡಿಯ ಮಾಲೀಕ 70ರ ಆಸುಪಾಸಿನ ಜಕೀರ್ ಅಹ್ಮದ್‍ರ ಮಾತು ಹೀಗಿದೆ ‘ಬಹಳ ತಿಂಗಳುಗಳಿಂದ ಗೆಟ್ ನಿರ್ಮಾಣ ನಡೆಯುತ್ತಿತ್ತು, ಆಗ ಯಾರ ವಿರೋಧವೂ ಇರಲಿಲ್ಲ, ಕಳೆದ ವಾರದಿಂದ ಇದ್ದಕ್ಕಿದ್ದಂತೆ ಪ್ರತಿಭಟನಾಕಾರರು ಬಂದು ಅದನ್ನು ಕೆಡವಬೇಕೆಂದು ಆಗ್ರಹಿಸುತ್ತಿದ್ದಾರೆ’. ಇದು ಅಲ್ಲಿನ ಚುನಾವಣೆಗೆ ಪೂರ್ವ ತಯಾರಿಯಾಗಿ ಬಿಜೆಪಿ ಮತ್ತು ಸಂಘ ಪರಿವಾರ ಧರ್ಮ ರಾಜಕಾರಣವನ್ನು ಬಳಸಿಕೊಂಡದ್ದರ ಬಗ್ಗೆ ಸಣ್ಣ ಉದಾಹರಣೆಯಷ್ಟೆ.

ಇಂಡಿಯನ್ ಎಕ್ಸ್‍ಪ್ರೆಸ್ ವರದಿ ಪ್ರಕಾರ ಒಟ್ಟು 10 ವಾರಗಳಲ್ಲಿ ಪೊಲೀಸ್ ಕಡತಗಳಲ್ಲಿ ದಾಖಲಾದ ಒಟ್ಟು ಪ್ರಕರಣಗಳ ಸಂಖ್ಯೆ ಎಂತಹವರನ್ನು ಬೆಚ್ಚಿಬೀಳಿಸುತ್ತದೆ. ಅವುಗಳ ಒಟ್ಟು ಸಂಖ್ಯೆ ಬರೋಬ್ಬರಿ 605, ಅಂದರೆ ದಿನಕ್ಕೆ ಕನಿಷ್ಟ 9 ರಂತೆ ಚಿಕ್ಕ ಮತ್ತು ದೊಡ್ಡ ಕೋಮು ಗಲಭೆಗಳು ನಡೆದಿವೆ. ಇಲ್ಲಿ ಗಮನಿಸಬೇಕಾದ ಇನ್ನೊಂದು ಅಂಶ ಈ ಗಲಭೆಗಳಲ್ಲಿ ಮೂರನೆ ಒಂದರಷ್ಟು ಅಂದರೆ ಸುಮಾರು 200 ಗಲಭೆಗಳು ಉಪಚುನಾವಣೆ ನಡೆಯಬೇಕಾದ 12 ಕ್ಷೇತ್ರಗಳಲ್ಲಿ ನಡೆದಿವೆ, ಇನ್ನು 200 ರಷ್ಟು ಇವೇ ಜಿಲ್ಲಾ ಪ್ರದೇಶಗಳಿಗೆ ಸೇರಿದ ಅಕ್ಕ ಪಕ್ಕದ ಸ್ಥಳಗಳಲ್ಲಿ ನಡೆದಿವೆ. ಅದ್ಯಾವ ಮಟ್ಟಿಗೆ ಕೋಮು ವೈಷಮ್ಯವನ್ನು ಬಿತ್ತುವ ಪ್ರಯತ್ನ ನಡೆದಿತ್ತು ಎಂದರೆ ಒಂದು ಗುಂಪು ಪ್ರಶ್ನೆಗಳನ್ನು ಜ್ವಲಂತವಾಗಿಡಲು ಸತತ ಒತ್ತಡಗಳನ್ನು ಹಾಕುತ್ತಲೇ ಇದೆ. ನಮಗೆ ಪ್ರತಿದಿನ ದೂರು ಬರುತ್ತಿವೆ, ಅವುಗಳಲ್ಲಿ ಹೆಚ್ಚಿನವು ಹಳೆಯವು, ಆದರೆ ಅವನ್ನು ಪ್ರತಿದಿನವೆಂಬಂತೆ ಎತ್ತಿಕೊಳ್ಳಲಾಗುತ್ತಿದೆ, ಎಲ್ಲೆಲ್ಲಿ ಸಾಧ್ಯವೋ ಅಲ್ಲಿ ರಾಜಕೀಯವನ್ನು ತರಲಾಗುತ್ತಿದೆ’ ಎಂದು ಹಿರಿಯ ಆಡಳಿತ ಅಧಿಕಾರಿಯೊಬ್ಬರು ಪತ್ರಿಕೆಯ ತನಿಖಾ ತಂಡದೆದುರು ಅಳಲು ತೋಡಿಕೊಂಡಿದ್ದರು.

ಮಂಗಳೂರು ಗಲಭೆ ಮುಂದೆ ಕರ್ನಾಟಕದಲ್ಲಿ ನಿರ್ಮಾಣವಾಗಬಹುದಾದ ಗಲಭೆಗಳಿಗೆ ಮುನ್ಸೂಚನೆಯಾಗಬಹುದು ಎಂಬುದನ್ನು ಅಲ್ಲಗಳೆಯುವಂತಿಲ್ಲ, ಇದಕ್ಕೆ ಮುಖ್ಯ ಕಾರಣ ದಕ್ಷಿಣ ಕನ್ನಡ ಕೋಮು ಗಲಭೆ ಆರಂಭವಾದುದ್ದು ಕಲ್ಲಡ್ಕದಿಂದ, ಈ ಸ್ಥಳ ಆರ್‍ಎಸ್‍ಎಸ್ ಮುಖಂಡ ಪ್ರಭಾಕರ ಭಟ್‍ರವರ ಭದ್ರ ಕೋಟೆ. ಅಂದರೆ ಗಲಭೆ ಹಿಂದೆ ಬಿಜೆಪಿ ಕೈವಾಡ ಇದೆ ಎಂಬುದು ಸಾಬೀತಾಗಿದೆ. ಒಂದು ವೇಳೆ ಬಿಜೆಪಿ ಪಕ್ಷ ಉತ್ತರ ಪ್ರದೇಶದಲ್ಲಿ ಅನುಸರಿಸಿದ ತಂತ್ರವನ್ನೆ ಉಪಯೋಗಿಸಿದರೆ ನಮ್ಮ ರಾಜ್ಯದಲ್ಲಿಯೂ ನಾವು ಇಂತಹ ಕೋಮು ಗಲಭೆಗಳನ್ನು ಎದುರಿಸಲು ಸಿದ್ಧವಾಗಬೇಕಿದೆ.